Mehndi Ki Riwayat - Article No. 3597

مہندی کی روایت - تحریر نمبر 3597

ایک زمانہ تھا کہ جب مہندی صرف شادی بیاہ، عید یا پھر خصوصی تقریبات کے موقعوں پر ہی لگائی جاتی تھی لیکن آج مہندی کی مقبولیت کا یہ عالم ہے کہ اس نے باقاعدہ ایک فن اور رواج کی شکل اختیار کر لی ہے

بدھ 3 جون 2026

مہندی لگانا ایک قدیم روایت بھی ہے اور ثقافت بھی۔ایک زمانہ تھا کہ جب مہندی صرف شادی بیاہ، عید یا پھر خصوصی تقریبات کے موقعوں پر ہی لگائی جاتی تھی لیکن آج مہندی کی مقبولیت کا یہ عالم ہے کہ اس نے باقاعدہ ایک فن اور رواج کی شکل اختیار کر لی ہے۔پہلے زمانے میں خواتین مختلف انواع و اقسام کے پتوں کو سل پر پیس کر ہاتھوں کو رنگا کرتی تھی۔

اس سے ہاتھ میں سوندھی سوندھی خوشبو بھی آتی تھی اور ہاتھ بھی رنگ جاتے تھے۔موجودہ دور میں جس طرح دیگر امور نے جدید اور نئے طریقے اپنا کر خود کو نئے رنگ و روپ میں ڈھال لیا ہے، اسی طرح سل پر مہندی کے پتے پیس کر لگائی جانے والی حنا اب ”کون“ اور ٹیوب میں دستیاب ہونے لگی ہے۔بلکہ اب طرح طرح کے رنگوں میں استعمال کی جاتی ہے۔

(جاری ہے)

آپ جب چاہیں اپنے ہاتھوں اور پیروں کو حنائی رنگ سے سجا اور مہکا سکتی ہیں۔

کم و بیش دو ہفتوں بعد عید کی خوشیاں آنے والی ہیں۔عید کی تیاریاں اس وقت تک مکمل ہی نہیں ہوتیں جب تک ہتھیلیوں سے مہندی کی سوندھی اور بھینی بھینی مہک نہ اٹھے۔یہ سنگھار کا ایک لازمی جزو بھی ہے اور ہماری روایت کا ایک خاص حصہ بھی۔اگر آپ ہاتھوں پر مہندی لگانا چاہتی ہیں تو سب سے پہلے پنسل سے کوئی بھی ڈیزائن بنا لیں۔

اس سے مہندی لگانے کے حوالے سے صفائی آئے گی اورآپ کو بروقت پتہ چل جائے گا کہ ڈیزائن کیسے اور کیا بن رہا ہے۔مہندی لگاتے وقت آپ ”کون“ لے کر اگر براہ راست ہاتھ پر مہندی لگانا شروع کریں گی تو اس سے نہ صرف آپ کو مشکل پیش آئے گی بلکہ ڈیزائن بھی خراب ہونے کا خدشہ ہے۔لہٰذا ”کون“ کو آپ ہاتھ میں ایک قلم کی مانند پکڑیں جیسے لکھائی کرتے ہیں۔

اسی طرح ”کون“ کو چلائیں۔”کون“ کو چلاتے ہوئے اپنے ہاتھ کے انگوٹھے اور دونوں انگلیوں پر دباؤ رکھیں تاکہ مہندی نکلنے میں آسانی رہے۔اگر مہندی لگاتے وقت ہاتھ کانپ رہا ہو تو ہاتھ کی سب سے چھوٹی انگلی کا استعمال کریں اور سانس روک کر کام کریں۔اس دوران مندرجہ ذیل احتیاطی تدابیر اپنائیں۔سبز رنگ کی مہندی استعمال کریں۔مہندی لگانے سے پہلے کسی اچھے سے صابن سے ہاتھ دھو کر اچھی طرح صاف کر لیں۔مہندی جلد سکھانے کے لئے ہیئر ڈریسر مشین کا استعمال نہیں کرنا چاہیے۔کون چلاتے وقت اپنے سانس پر کنٹرول ہونا چاہیے۔مہندی کا رنگ پکا کرنے کے لئے سرسوں کا تیل استعمال کر سکتے ہیں۔کون صاف ہونی چاہیے اور کسی حصے سے کٹی پھٹی نہ ہو۔

Facebook Twitter Reddit Pinterest Whatsapp

Browse More Special Articles for Women

ہمارا لائف اسٹائل ہے تو پھر کیوں نہ رنگ لائے حنا

Hamara Life Style Hai To Phir Kyun Na Rang Laaye Hina

کلائیوں کا سنگھار ہیں یہ چوڑیاں

Kalaiyon Ka Singhar Hain Yeh Chooriyan

موٹاپا کم کرنے کے مشورے

Motapa Kam Karne Ke Mashware

کل کا فیشن ۔ آج بھی ان

Kaal Ka Fashion - Aaj Bhi In

فریج کی حفاظت کے آزمودہ ٹپس

Fridge Ki Hifazat Ke Azmooda Tips

صاف گھر آپ کی شخصیت پر جادوئی اثر کرتا ہے

Saaf Ghar Aap Ki Shakhsiyat Par Jadui Asar Karta Hai

Tote Bags اچھے ہمسفر

Tote Bags Ache Humsafar

ٹیکا، جھومر اور ماتھا پٹی

Tikka, Jhumar Aur Matha Patti

آنکھوں کے گرد حلقے

Aankhon Ke Gird Halqe

نازک چوڑیوں کی حفاظت

Nazuk Chooriyon Ki Hifazat

Wedge ہیل

Wedge Heel

اسٹائلش کولہاپوری چپل

Stylish Kolhapuri Chappal

Special Special Articles for Women article for women, read "Mehndi Ki Riwayat" and dozens of other articles for women in Urdu to change the way they live life. Read interesting tips & Suggestions in UrduPoint women section.