Yakhni Pulao Tips in Urdu - Yakhni Pulao Totkay - Tip No. 6488

مرغ ،الائچی، کالی مرچ،پیاز،لونگ اور نمک پانی میں ڈال کر چولہے پر چڑھا دیں ۔ایک سے ڈیڑھ گھنٹے تک پکنے دیں یہاں تک کہ یخنی بن جائے ۔اب چولہے سے اتار کر ٹھنڈا کرلیں ۔
مرغ باہر نکال لیں ۔یخنی کم از کم چار کپ ضرور ہونی چاہیے۔گوشت کو ہڈیوں سے الگ کرلیں اور چھوٹے چھوٹے ٹکڑوں میں کاٹ کر ایک طرف رکھ دیں۔
چاول اچھی طرح دھولیں ،اور چھلنی میں رکھ کر سوکھنے کے لئے چھوڑ دیں ۔چاول قدرے خشک ہو جائیں تو ایک بڑے برتن یا دیگچی وغیرہ میں گھی ڈال کر پیاز بھونیں یہاں تک کہ سنہری ہو جائیں ۔اب اس میں لہسن اور ادرک ڈال کر مزید ایک دو منٹ تک بھونیں۔ اس دوران چمچہ مسلسل چلاتے رہیں۔
چاول شامل کردیں اور درمیانی آنچ پر پانچ منٹ تک بھونیں ۔اس دوران سوراخ دار چمچے سے مسلسل چلاتے رہیں۔
اب دیگچی میں گرم یخنی ،گرم مصالحہ ،پسی الائچی،ڈیڑھ کھانے کا چمچہ نمک، عرق گلاب،کشمش اور گوشت ڈال دیں اور اچھی طرح چلائیں۔ پھر دیگچی کو ڈھک دیں،اور دھیمی آنچ پر بیس منٹ تک پکنے دیں۔اس دوران ڈھکن نہ ہٹائیں اور نہ ہی چمچہ چلائیں۔
چاول پک جائیں تو چولہے سے اتار لیں ۔ڈش میں احتیاط سے نکال لیں ۔بادام،مٹر کے دانوں اور انڈوں سے سجا کر پیش کریں۔