Maan Mooji Or Pic Wala Dangal - Article No. 2530
”من موجی اور PICوالا دنگل...؟“ - تحریر نمبر 2530
ایک لطیفہ دوبارہ سننے پر یا تو ہنسی بلکل نہیں آتی یا منہ ایسا بنتا ہے جیسے کسی گھٹیا کمپنی کا بنا ہوا کھانسی کا شربت پیا ہو
حافظ مظفر محسن منگل 28 جنوری 2020
پچھلے دنوں ہمارے ایک سینئر دوست محکمہ پولیس سے اعلیٰ عہدے سے ریٹائر ہوئے ہیں انہوں نے جب وہ سی ایس ایس کی تیاری کر رہے تھے اور ہم فسٹ ایئر کے سٹوڈنٹ تھے ہمیں اپنے پاس بلایا اور حیرت سے بولے ... ( کچھ لوگوں کو جب وہ حیرت زدہ یاپریشان ہوں کسی دوسرے سے اپنی بات شیئر کر کے بڑا مزہ آتا ہے)
” یہ دیکھ تمہارا مغل حکمران کیا کرتا رہا ہے . .. اُس نے ایک پُول بنایا اور اُس کے پاس بیٹھ کر خوش ہوتے ہوئے کہہ رہا تھا ...
” پیئیں گے بھی اور نہائیں گے بھی “
” پیئیں گے بھی اور نہائیں گے بھی “
مجھے نہ اُس وقت سمجھ آئی نہ آج ہی میں سمجھ پایا ہوں کہ وہ مغل حکمران کہنا کیا چاہتا تھا ... میں نے کالج کے زمانے میں تزک بابری اور تزک جہانگیری بار بار پڑھی ہیں ... آپ یقین کریں فلمی رسالہ ” شمع“ اور انگریزی میگزین ” پلے بوائے “ اور تزک بابری اور تزک جہانگیری میں زیادہ تر ایک سے موضوعات ہی زیر بحث تھے ... میری یہ باتیں اگر آپ کے سر کے اوپر سے گزر جائیں تو بُرا مت منائیے گا بلکہ گوگل سے رابطہ کیجئے گا شاید آپ کو ان سے ملتی جلتی اور بھی بہت سی چیزیں مل جائیں ... جن کے ساتھ آپ کی مدد کے لئے یا تفنن طبع کے لئے بہت سی تصویریں اور ویڈیو بھی دکھائی دیں ... اگر اُن میں 2013 سے اب تک کے کچھ Clips یا تصویری ٹوٹے بھی نظر آجائیں تو آپ جانیں مغل جانیں یا پھر یہ آپ کا اور گوگل کا معاملہ ہو گا .... ” میرا ذمہ اوش پوش “ آج کا نو عمر لڑکا اور ہمارے دور کا چالیس سالہ مرد اِک برابر ہیں۔
(جاری ہے)
میں تو چاہتا ہوں تاریخ پر ہر پڑھے لکھے انسان کی نظر ہونی چاہیے کیونکہ سنتے آئے ہیں کہ تاریخ انسانوں کو سبق سکھاتی ہے .
”بکرے بکریوں اور بھیڑوں سے معذرت کے ساتھ “
اصل میں کچھ دن پہلے میں نے ایک کالم نئی بات میں لکھا جس میں میں نے ڈاکٹر انجینئر اور دوسرے اعلیٰ تعلیم یافتہ لوگوں کو مشورہ دیا تھا کہ وہ اپنی ساری توجہ STEM یعنی سائنس ٹیکنالوجی انجینئرنگ یا میتھ پر ہی مرکوز رکھیں اس کے ساتھ ساتھ تاریخ اور سوشیالوجی پر بھی توجہ دیں کیونکہ اناٹونی پڑھنا اتنا ہی ضروری ہے جتنا تز ک بابری ...کیونکہ میں یہ کہنے سے تو قاصر ہوں کہ ہر ڈاکٹر کو ڈاکٹری کے ساتھ ساتھ تھوڑی بہت وکالت بھی آنی چاہئے ... لیکن کہہ نہیں سکتا کہ ” اتھرے“ ڈاکٹرز سے ڈر آتا ہے وہ مجھے وکیلوں کا وکیل سمجھ کر مجھے وکالت سکھانا نہ شروع کر دیں اور پھر میں تھوڑی بہت وکالت سیکھ کر PIC جاؤں تو آگے سے ڈاکٹروں نے 15 کو کال کیا ہو ..عجب منظر دیکھا ہے اِس قوم نے ڈاکٹرڈاکٹر نہ رہا وکیل وکیل نہ رہا ...
ہم نے جب ہم جمعرات کو داتا دربار سلام کرنے جاتے ہیں تو لاہور کہ بے روزگار مزدوروں کو ایک پلیٹ بریانی کے لیے دھکم پیل کرتے اور ایک دوسرے کی ماں بہن کرتے نہیں دیکھا جس قدر Swear مناظر ہم نے وکیلوں کا لاؤ لشکر کے ساتھ PIC جاتے اور وہاں پر ڈاکٹروں کا آپے سے باہر ہونا دیکھا بڑی خوشی ہوئی کہ یہ دونوں تعلیم یافتہ حلقے کس قدر ” مہذب“ اور ” معتبر“ ہیں...
ہڑتالیں ... پولیس اور شور... سب کچھ تھوڑے عرصے کے لئے ختم تربیت کا عمل جاری ہے ..پولیس بڑے بڑے اتھرے نوجوانوں کی تربیت کرتی ہے اور بڑے بڑے ” ہتھ چھُٹ“ بھی تھانے کا دورہ کرنے کے بعد سُدھر جاتے ہیں... سردیوں میں اتنی گرمی ... آپ نے پہلے نہیں دیکھی ہو گی ۔
ہم اب ہسپتال جانے کا نام لیں تو بچے سہم جاتے ہیں ... اِک رکشہ ڈرائیور کے رکشے میں میں نے سفر کیا تو وہ اپنا قصہ سنا رہا تھا ... وہ ڈرتے ڈرتے بولا ” باؤجی... کل رکشے میں ایک ہٹا کٹا بلا پیچھے بیٹھ گیا اور بیٹھتے ہی بولا ...“ چل بھئی PIC ...!! میں سارا راستہ سہم سہم رہا ... جب PIC پہنچے تو اُس نے پوچھا ... کتنے پیسے..؟؟میں نے کہا دوسو روپے ... اُس نے غصے سے دیکھا اور بولا .. میں ڈاکٹر ہو ں....ڈاکٹر صاحب آپ رہنے دیں آپ کا ”اپنا رکشہ ہے “ زیادہ بکواس نہ کر پکڑ سو روپے اور چل بھاگ یہاں سے ... ڈاکٹر نے رکشے کو ٹھڈا مارتے ہوئے کہا ...
Browse More Urdu Columns
سستی
Susti
ٹاپ سیون ٹریجیڈیز ۔(سات بڑے قومی المیے )
Top 7 Tragedies
میں معصوم
Main Masoom
مڈل کلاس کا پنچ نامہ
Middle Class Panch Nama
شادی کے سائیڈ افیکٹس - آخری حصہ
Shaadi K Side Effects - Last Qist
شادی کے سائیڈ افیکٹس ۔قسط نمبر1
Shaadi K Side Effects - Qist 1