Pia Ka Safar Taqwa Or Kifayat - Article No. 2534
پی آئی اے کا سفر، تقویٰ اورکفایت ہمرکاب ۔۔۔ - تحریر نمبر 2534
میں نےاس فلائٹ کو چھکڑے کا نام اس لیئے دیا کہ یہاں آدمی پہ آدمی چڑھا ہؤا تھا ( خدارا ذہن اور نیت کو صاف رکھیں) اور دائیں بائیں 3-3 نشستوں کے درمیان سے نکلتا راستہ اس قدر تنگ تھا کہ ذرا صحتمند آدمی اس میں سے گزرے
سید عارف مصطفیٰ پیر 17 فروری 2020
(جاری ہے)
۔۔ لیکن سب ہی مسافر تو مہیب توند کی دولت سے مالا مال نہیں ہواکرتے وہ اگرایسی سچویشن میں پھنستے تو بھلا کیا کرسکتے تھے سوائے اسکے کہ ٹوٹی میزبند واپس بند کرکے کھانے کو جھولی ہی میں بھر لیں اور جہاز ہی میں بیٹھے بیٹھے درگاہی لنگر کا مزہ پائیں
میں نےاس فلائٹ کو چھکڑے کا نام اس لیئے دیا کہ یہاں آدمی پہ آدمی چڑھا ہؤا تھا ( خدارا ذہن اور نیت کو صاف رکھیں) اور دائیں بائیں 3-3 نشستوں کے درمیان سے نکلتا راستہ اس قدر تنگ تھا کہ ذرا صحتمند آدمی اس میں سے گزرے تو باری باری اپنے دائیں بائیں کولہوں سے دونوں طرف کے کنارے کے مسافروں کودوستانہ سا تھپتھپائے بغیر آگے نہ جا پائے۔
حالانکہ لوگوں کی تسکین قلب کے لیئے پونے دوگھنٹے کا سفر ختم ہونے سے ذرا پہلے ایک ائرہوسٹس نما کوئی چہاڑ پہاڑ سی خاتون ذرا دیر کو اندر آئی بھی تھی لیکن اکثر لوگوں نے دل پکڑنے کے بجائے سر پکڑ لیئے کیونکہ اگر یہ فضائی بی بی کسی خرانٹ افسر کی اس سے بھی زیادہ خرانٹ پھپھو نہ معلوم ہورہی ہوتی تو بلاشبہ اسکی تازہ جنس کا تعین کرنا بھی دشوار تھا اور اس میں کیا شک ہے کہ ایسا غیرجانبدار جغرافیہ رکھنے والی کوئی بھی خاتون عموما خطرات سے مامون ہی رہتی ہے- یہاں پیش کیئے گئے کھانے کے معیار کا معاملہ بھی نہ پوچھیئے ، بس چکن پلاؤ پکاتے پکاتے درمیان میں کفایت شعاری کا جذبہ آلو چاول پکوادے تو ویسا ہی کچھ بنا کرتا ہے کہ جیسا ہمیں کھا مرنے کو تھما دیا گیا تھا البتہ حاتم طائی کی قبر پہ لات مارت ہوئے کھانے کے ساتھ ٹشوضرور رکھا گیا تھا ۔۔۔ خدشہ ہے کہ آے پی آئی اور خسارے میں گئی تو یہ ٹشو بھی نہ ملے گا بس کوئی اسٹوارڈ ہی آکر ایک تولیئے سے سب کے منہ پونچھ دیا کرے گا۔۔۔
Browse More Urdu Columns
سستی
Susti
ٹاپ سیون ٹریجیڈیز ۔(سات بڑے قومی المیے )
Top 7 Tragedies
میں معصوم
Main Masoom
مڈل کلاس کا پنچ نامہ
Middle Class Panch Nama
شادی کے سائیڈ افیکٹس - آخری حصہ
Shaadi K Side Effects - Last Qist
شادی کے سائیڈ افیکٹس ۔قسط نمبر1
Shaadi K Side Effects - Qist 1