محسن عباس حیدر کی جانب سے اہلیہ پر تشدد کی عینی گواہ بھی سامنے آگئی

 

 دوسری جانب خواتین کے حقوق کے لیے کام کرنے والی معروف سوشل ورکر اور قانون دان نگہت داد نے بھی اپنے ٹویٹر پیغام میں فاطمہ سہیل سے کہا ہے کہ وہ ان کے ساتھ ہیں اور اب فاطمہ کو تیار رہنا چاہیے کیونکہ اب ان کو جعلی ویڈیو سکینڈلز یا کسی بھی قسم کے جذباتی حالات کا سامنا کرنا پڑ سکتا ہے۔

 

 

 خیال رہے کہ محسن عباس حیدر کی اہلیہ نے ان پر الزام لگایا ہے کہ وہ ان پر شدید تشدد کرتے رہے ہیں۔ محسن عباس حیدرکی اہلیہ فاطمہ سہیل کی ایک پوسٹ سامنے آئی جس میں انہوں نے لکھا ہے کہ محسن ان کو تشدد کا نشانہ بناتے رہے ہیں۔فاطمہ سہیل نے سوشل میڈیاویب سائٹ فیس بک پر ایک طویل پوسٹ کے ذریعے اپنے شوہر محسن عباس پر مار پیٹ کرنے اور شادی شدہ ہونے کے باوجود کسی اور سے افیئر چلانے کا الزام عائد کیا ہے۔

فاطمہ سہیل نے اپنی تحریر کے آغازمیں لکھاہے کہ ’ظلم برداشت کرنا گناہ ہے‘۔ اس کے بعد انہوں نے اپنی کہانی شروع کرتے ہوئے لکھا کہ ’میں فاطمہ ہوں، محسن عباس حیدر کی اہلیہ اور یہ میری کہانی ہے، 26 نومبر 2018 کو مجھے پتا چلا کے میرا شوہر مجھے دھوکہ دے رہا ہے، جب میں نے جواب مانگا تو بجائے شرمندہ ہونے کے اس نے مجھے مارنا پیٹنا شروع کردیا، اس وقت میں حاملہ تھی، وہ مجھے بالوں سے پکڑ کر زمین پر گھسیٹتا رہا، وہ لاتے مارتا، اس نے منہ پر مکے مارنے کے ساتھ دیوار کی جانب دھکا بھی دیا‘۔

فاطمہ سہیل نے لکھا ہے کہ انہیں انکے شوہر نے حیوانوں کی طرح مارا پیٹا۔ انہوں نے کہا کہ وہ جو انکا نگراں تھااس نے انہیں ڈرایا دھمکایا جس پر انہوں نے اپنے کسی گھر والے کو بلانے کے بجائے دوست سے رابطہ کیا جس کے بعد انہیں فوری ہسپتال لے جایا گیا۔ انہوں نے لکھا ہے کہ ڈاکٹر نے پہلے تو انکا طبی معائنہ کرنے سے انکار کر دیا کیوں کہ یہ پولیس کیس تھا لیکنانہیں کچھ وقت چاہیے تھا کیونکہ وہ اس حالت میں نہیں تھیں کہ فوری ایف آئی آر درج نہیں کراسکتی تھیں۔