بھارت، دو ہفتوں میں 3ماڈلز کی خودکشی

ممبئی (اُردو پوائنٹ اخبارتازہ ترین - آن لائن۔ 28 مئی2022ء) بھارت کی نوجوان بنگالی ماڈل منجوشا نیوگی اپنے اپارٹمنٹ میں مردہ حالت میں پائی گئیں، شہر میں گزشتہ تین دنوں میں یہ دوسری مشہور شخصیت کی خودکشی کی اطلاع ہے جبکہ دو ہفتوں میں یہ تیسری خودکشی ہے۔بھارتی میڈیا رپورٹ کے مطابق بدیشا ڈی مجومدار کے بعد ایک اور بنگالی ماڈل نے خودکشی کر لی، معروف ماڈل منجوشا نیوگی کولکتہ میں اپنے کمرے کی چھت سے لٹکی ہوئی پائی گئیں۔

(جاری ہے)

منجوشا نیوگی ایک روز قبل اپنی رہائش گاہ پر لٹکی ہوئی پائی گئیں، ماڈل کی والدہ نے دعوی کیا کہ وہ اپنی قریبی دوست بدیشا ڈی مجمدار کی موت کے بعد شدید ڈپریشن میں مبتلا تھیں۔ بدیشا کی موت 26مئی کو خودکشی کی وجہ سے ہوئی، ایک پولیس افسر نے بتایا کہ منجوشا نیوگی کی لاش کو پوسٹ مارٹم کے لیے اسپتال بھیج دیا گیا تاکہ موت کی وجہ معلوم کی جا سکے۔منجوشا کی ماں نے کہا کہ میری بیٹی مسلسل کہتی تھی کہ وہ بدیشا کے ساتھ رہنا چاہتی ہے، وہ مسلسل بدیشا کے بارے میں بات کرتی تھی، میں نے اسے ڈانٹ دیا جب اس نے مجھے بتایا کہ جلد ہی میڈیا بدیشا کی طرح ہمارے گھر پر توجہ مرکوز کرے گا۔