سال کی عمر میں پہلی بار جنسی زیادتی کا نشانہ بنی، نادیہ جمیل

کراچی (اُردو پوائنٹ اخبارتازہ ترین - این این آئی۔ 04 جولائی2022ء) پاکستان شوبز انڈسٹری کی معروف اداکارہ و سماجی کارکن نادیہ جمیل نے کہا ہے کہ وہ پہلی بار 4سال کی عمر میں جنسی زیادتی کا شکار ہوئی تھیں۔نادیہ جمیل نے ٹوئٹر پر اپنی چند تصاویر شیئر کیں جن میں ان کے بچپن سے لے کر جوانی تک کی تصاویر شامل ہیں۔

(جاری ہے)

ٹوئٹر پر تصاویر شیئر کرتے ہوئے نادیہ جمیل نے انکشاف کیا ہے کہ وہ پہلی بار 4سال کی عمر میں جنسی زیادتی کا نشانہ بنی تھیں، دوسری بار 9 سال کی عمر میں اور تیسری بار 17یا 18 سال کی عمر میں ان کے ساتھ جنسی زیادتی ہوئی تھی۔

نادیہ جمیل نے کہا ہے کہ مجھے گہرے ڈپریشن، اداسی، خوف اور شرمندگی سے لڑنے میں 2سال لگے۔اداکارہ نے سوالیہ انداز میں کہا ہے کہ میں اب کہاں ہوں مجھے شفا ملی، میں ناصرف زندہ رہی بلکہ ترقی کی منازل بھی طے کیں۔انہوں نے کہا کہ یہ درد سے سکون تک کا سفر تھا، جو میں نے طے کیا۔