ہالی وڈ سپراسٹار ٹام کروز کو 35 برس بعد اعزازی آسکر سے نوازا جائے گا

یرس (اُردو پوائنٹ اخبارتازہ ترین - آن لائن۔ 20 جون2025ء)ہالی وڈ کے سپر اسٹار ٹام کروز کو 35 برس بعد اعزازی آسکر ایوارڈ سے نوازا جائے گا۔جان پر کھیل کر خطرناک اسٹنٹ کرنے والے ٹام کروز کا شمار ہالی وڈ کے بڑے سپر اسٹارز میں ہوتا ہے جنہیں کئی برسوں بعد اکیڈمک ایوارڈ سے نوازا جائے گا۔دی اکیڈمی آف موشن پکچر آرٹس اینڈ سائنسز کی جانب سے 16ویں سالانہ گورنرز ایوارڈز کے لیے ناموں کا اعلان کیا ہے۔

اکیڈمی کی جانب سے ایک ایسی تقریب کا انعقاد کیا جارہا ہیجس میں فلم انڈسٹری سے تعلق رکھنے والوں کی غیر معمولی شراکت کو تسلیم کیا جائے گا۔میڈیا رپورٹس میں بتایا گیا ہے کہ ٹام کروز پہلے 4 بار آسکر کیلئینامزد ہوچکے ہیں لیکن بدقسمتی سے خطرناک اسٹنٹ کرنے والے سپر ہیرو کو کبھی آسکر ایوارڈ نہیں ملا اور اب 35 سال بعد ٹام کروز کو اعزازی آسکر ایوارڈ سے نوازا جائے گا۔

(جاری ہے)

اعزازی آسکر حاصل کرنے والوں میں ٹام کروز کے علاوہ کوریوگرافر ٹریل بلیزنگ اور اداکارہ ڈیبی ایلن، ویژنری پروڈکشن ڈیزائنر وین تھامس بھی شامل ہیں۔ مزید برآں کنٹری میوزک لیجنڈ ڈولی پارٹن کو جین ہرشولٹ ہیومینٹیرین ایوارڈ سے نوازا جائے گا۔ واضح رہے کہ یہ اعزازی ایوارڈز 16 نومبر 2025 کو لاس اینجلس میں رے ڈولبی بال روم میں پیش کیے جائیں گے۔