ثانیہ مرزا کی ومبلڈن میں کامیابی پر انکے شوہر نامدار شعیب ملک بھی خوشی سے سرشار

اسلام آباد(اُردو پوائنٹ اخبارتازہ ترین - آئی این پی۔12 جولائی۔2015ء) ومبلڈن ٹائٹل جیتنے پر ثانیہ مرزا کو پاکستانی اور بھارتی مداحوں کی جانب سے ہزاروں کی تعداد میں مبارک باد کے پیغامات موصول ہو رہے ہیں۔ سری لنکا میں قومی کرکٹ ٹیم کے ساتھ موجود شعیب ملک نے اپنی اہلیہ ثانیہ مرزا کو مبارک باد دیتے ہوئے ٹویٹر پر ان کی تصویر شئیر کی اور لکھا "مجھے آپ پر فخر ہے، عزم، نظم و ضبط ، توجہ اور بڑے خوابوں سے ہی کھلاڑی بنتے ہیں"۔

So proud of her ❤️ The high level determination, discipline, focus, & big dreams that athletes r made of @MirzaSania pic.twitter.com/M8wJWyd7ca

— Shoaib Malik (@realshoaibmalik) July 12, 2015

ایک پاکستانی مداح نے ٹویٹر پیغام میں کہا "بھابی آپ جہاں بھی ہیں آگے بڑھتی رہیں ہم پاکستانی آپ سے محبت کرتے ہیں"۔ یہ پہلا موقع ہے کہ ثانیہ مرزا نے ومبلڈن ویمنز ڈبلز گرینڈ سلیم ٹائٹل جیتا ہے۔ اس سے پہلے وہ فرنچ ، آسٹریلین اور یو ایس اوپن میں مکسڈ ڈبلز ٹائٹلز اپنے نام کر چکی ہیں۔