بالی وڈ کے سپر سٹار شاہ رخ خان کی نئی فلم ’رئیس‘ کا ٹریلر عید کے دن ریلیز کیا گیا

ممبئی (اُردو پوائنٹ اخبار تازہ ترین۔ 20 جولائی۔2015ء) بالی وڈ کے سپر سٹار شاہ رخ خان کی نئی فلم ’رئیس‘ کا ٹریلر عید کے دن ریلیز کیا گیا۔میڈیا رپورٹ کے مطابق اس فلم کی خاص بات یہ ہے کہ اس کو بھارتی فلم انڈسٹری کے ایک اور ستارے بجرنگی بھائی جان یعنی سلمان خان پرموٹ کر رہے ہیں سلمان خان نے شاہ رخ کی نئی فلم کی سماجی رابطوں کی ویب سائٹ ٹوئٹر پر تشہیر کی سلمان خان نے فلم ’رئیس‘ کے بارے میں متعدد ٹویٹس کیں۔

(جاری ہے)

پہلی چار ٹویٹس میں انھوں نے رئیس کے ہجے لکھے اور پانچویں ٹویٹ میں انھوں نے لکھا کہ آ رہا ہے اس کے بعد سلمان نے ایک اور ٹویٹ کی جس میں انھوں نے لکھا کہ رئیس آ رہا ہے فی الحال ٹریلر دیکھو اور بے حد انجوائے کرو۔بریانی بھیجوا دے واضح رہے کہ اگلے سال عید کے موقعے پر سلمان اور شاہ رخ دونوں کی فلمیں ریلیز ہوں گی۔شاہ رخ جہاں رئیس میں نظر آئیں گے تو وہاں سلمان خان ’سلطان‘ میں اپنی اداکاری کے جوہر دیکھائیں گے۔سلمان خان کی ٹویٹس کے بعد شاہ رخ نے بھی اپنے انداز میں جواب دیا۔ شاہ رخ نے ٹویٹ کیا کہ ابھی بلغاریہ میں ہوں گھر نہیں آ سکتا تھوڑی بریانی بھجوا دیں گھر میں بچوں کے لیے۔عید مبارک اینڈ لو ٹو فیملی۔