بالغ ہونا چاہتی ہوں تو الگ ہو جاؤ

18سال کی عمر میں ہی والد نے الگ کردیا تھا ، اداکارہ سونم کپور

ہفتہ 23 جولائی 2016 14:40

ممبئی(اُردو پوائنٹ اخبارتازہ ترین - آن لائن۔23 جولائی۔2016ء)بولی وڈ اداکارہ سونم کپور نے کیرئیر میں کامیابی حاصل کرنے کے لیے اپنے والد انیل کپور پر انحصار نہیں کیا۔ میڈیا رپورٹ کے مطابق سونم کپور کے والد انیل کپور نے انہیں ذاتی اور پروفیشنل زندگی میں اپنے فیصلے کرنے پر مجبور کرنے کے لیے خود سے الگ کردیا تھا۔سونم کا کہنا تھا کہ ’میرے والد نے مجھے 18 سال کی عمر میں الگ کردیا تھا، انہوں نے کہا تھا تم بالغ ہونا چاہتی ہو تو جاوٴ خود آگے بڑھو‘۔

(جاری ہے)

اداکارہ کا مزید کہنا تھا کہ ’اس کے بعد مجھے خود ذمہ داری لینے پڑی اور میں نے ایسا کیا اور میرے لیے یہ سب سے بہترین کام تھا، کیا آپ جانتے ہیں انہوں نے مجھ سے کیا کہا، انہوں نے کہا میں تمہارے لیے کبھی کوئی فیصلہ نہیں کرنا چاہوں گا، میں یہ بتا سکتا ہوں کہ کیا غلط اور کیا صحیح ہے لیکن آخرمیں اپنا فیصلہ تمہیں خود کرنا ہوگا‘۔واضح رہے کہ سونم کپور نے بولی وڈ میں اپنے سفر کا آغاز 22 سال کی عمر میں 2007 میں سنجے لیلا بھنسالی کی فلم ’سانوریا‘ کے ساتھ کیا تھا، اس فلم میں سونم کپور کے ہمراہ رنبیر کپور نے اہم کردار ادا کیا تھا۔

وقت اشاعت : 23/07/2016 - 14:40:18

Facebook Twitter Reddit Pinterest Whatsapp

Rlated Stars :

سونم کپور

Sonam Kapoor

بالغ ہونا چاہتی ہوں تو الگ ہو جاؤ

18سال کی عمر میں ہی والد نے الگ کردیا تھا ، اداکارہ سونم کپور

Rlated Stars :

Famous Showbiz Stars

Showbiz News In Urdu