ویوو V50 Lite طاقتور کارکردگی اور شاندار کیمرہ فیچرز کے ساتھ پاکستان میں متعارف کروا دیا گیا

لاہور (اُردو پوائنٹ اخبارتازہ ترین۔ 06 اپریل2025ء) ویوو نے پاکستان میں طاقتور کارکردگی، دلکش ڈیزائن اور شاندار کیمرہ فیچرز کا حامل سمارٹ فون V50 Lite متعارف کروا دیا ہے۔ اس میں موجود6500mAh Ultra-Slim BlueVolt  بیٹری،90W FlashCharge  اور 50MP Sony IMX882 کیمرہ اس سمارٹ فون کو ان صارفین کے لیے بہترین انتخاب بنادیتے ہیں جن کو سٹائل، بیٹری لائف اور بہتریں کیمرہ چاہیے۔

ویوو V50 Lite میں موجود 6500mAh Ultra-Slim BlueVolt Battery کے ساتھ اب صارفین سمارٹ فون بار بار چارج کرنے کی فکر سے آزادی حاصل کر سکتے ہیں۔ مزید یہ بڑی بیٹری 90W FlashCharge کی مدد سے بہت جلد چارج ہوجاتی ہے، جبکہ Reverse Charging سے صارفین دوسرے ڈیوائسز کو بھی چارج کر سکتے ہیں۔
مزیدبراں MediaTek Dimensity 6300 (5G) یا Snapdragon 685 (4G) پروسیسر کے ساتھ، یہ فون ہترین پرفارمنس فراہم کرتا ہے، جس میں Extended RAM اور ڈوئل سٹیریو اسپیکرز بھی شامل ہیں۔

(جاری ہے)

اس کے علاوہ V50 Lite   کی پائیداری بھی قابل ذکر ہے کیونکہ اس نے 70 سے زائد ٹیسٹ پاس کیے ہیں جن میں ڈراپ اور ٹویسٹ کے ٹیسٹ شامل ہیں، اور اس میں Comprehensive Cushioning Structure، SGS 5-Star Drop Resistance، Military-Grade Certification اور IP65 Dust and Water Resistance کی خصوصیات بھی ہیں، جو اسے بارش اور دھول سے محفوظ رکھتی ہیں۔
ویوو V50 Lite محض 7.79mm پتلے ڈیزائن کے ساتھ ایک بہترین سمارٹ فون  ہے جو بڑی بیٹری اور امیجنگ اپگریڈز کے باوجود اپنے پچھلے ماڈل سے زیادہ سلم ہے۔

P-OLED ڈسپلے کے ساتھ یہ فون ایک شاندارتجربہ فراہم کرتا ہے جس میں پتلے بیزلز اسے اور بھی دلکش بناتے ہیں۔ اس کے علاوہ، 120Hz Ultra Vision AMOLED Punch-Hole Display اور SGS Low Blue Light Certification آنکھوں کی تھکاوٹ کو کم کرتے ہوئے سکرین استعمال کرنے کے تجربے کو بہتر بناتا ہے، اور 1800-nit peak brightness کی خصوصیت سے یہ فون دھوپ میں بھی واضح اور روشن نظر آتا ہے۔