وائس چانسلر قراقرم انٹرنیشنل یونیورسٹی کا یونیورسٹی آف واہ کا دورہ

انجینئرز کیلئے درکار قیادت کے سکلز کی ضرورت ،فروغ دینے کیلئے درکار خصوصیات کے مختلف پہلوؤں پر گفتگو کی

اسلام آباد (اُردو پوائنٹ اخبارتازہ ترین - این این آئی۔ 24 جنوری2023ء) قراقرم انٹرنیشنل یونیورسٹی کے وائس چانسلر پروفیسر ڈاکٹر عطاء اللہ شاہ نے یونیورسٹی آف واہ کا دورہ کیا۔ڈائریکٹرریٹ آف پبلک ریلیشنز کے مطابق یونیورسٹی آف واہ میں وائس چانسلر نے انجینئرز و قیادت کے عنوان پر کلیدی خطاب کیا۔

(جاری ہے)

اپنے خطاب میں وائس چانسلرنے انجینئرز کے لیے درکار قیادت کے سکلز کی ضرورت اور ان کو فروغ دینے کے لیے درکار خصوصیات کے مختلف پہلوؤں پر سیر حاصل گفتگو کی۔

اس سے قبل وائس چانسلر نے یونیورسٹی آف واہ کے وائس چانسلر ڈاکٹر جمیل النبی سے ملاقات کی۔ملاقات میں دونوں جامعات کے مابین انجینئرنگ و ٹیکنالوجیز سمیت دیگر امور پر مل کر کام کرنے کے ممکنات پر تبادلہ خیال کیا گیا۔ملاقات کے بعد وائس چانسلر نے یونیورسٹی آف واہ کے فیکلٹی آف انجینئرنگ اینڈ ٹیکنالوجی شعبے کا دورہ بھی کیا۔دورے میں وائس چانسلر نے شعبے کے لیبارٹریوں کا جائزہ لیا۔اور بہترین معیار وفیکلٹی کی محنت کو سراہا۔