3g and 4g auction will be very tough
تھری اور فور جی کی نیلامی؛ عالمی کمیونٹی نے نظریں جما دیں، سخت مسابقت کی امید
کراچی: ٹیلی کمیونی کیشن انڈسٹری کے گلوبل ایکسپرٹ نے پاکستان میں تھری جی ٹیکنالوجی کے لائسنس کی نیلامی کے شفاف طریقہ کار کو حکومت کی کامیابی قرار دیتے ہوئے آکشن میں حصہ لینے والی کمپنیوں کے درمیان بھرپور مسابقت کا امکان ظاہر کیا ہے۔
پاکستان میں تھری جی آکشن کی پرائس انٹرنیشنل پرائس سے ہم آہنگ ہے، آکشن پر گلوبل انڈسٹری کی نظریں لگی ہوئی ہیں، نیلامی کا عمل شفاف اور کامیابی سے آگے بڑھ رہا ہے جسے موخر کیے جانے کا کوئی امکان نہیں ہے۔
(جاری ہے)
اس سے بھی بڑھ کر وزیر اعظم نے آکشن میں دلچسپی رکھنے والے ٹیلی کام انڈسٹری کے اعلیٰ نمائندوں کے لیے اپنے دروازے بھی کھولے رکھے اور جب بھی آکشن پراسیس کو کوئی خدشہ لاحق ہوتا نظر آیا وزیر اعظم نے خود سرعت کے ساتھ متحرک ہوکر اس خدشے کا سدباب کیا، قانونی ماہر اور ٹیکنالوجی کے شعبے میں خصوصی علم رکھنے والی انوشہ رحمان کی تعیناتی اور وفاقی وزیر خزانہ اسحاق ڈار کو اسپیکٹرم آکشن کمیٹی کا سربراہ مقرر کرنا بھی وزیر اعظم کی سنجیدگی کا ثبوت ہے، اسی طرح انفارمیشن کی وزارت میں اخلاق تارڑ جیسے کہنہ مشق بیوروکریٹ کو وفاقی سیکریٹری اور خود کو بین الاقوامی سطح پر منوانے والے انٹرنیشنل ٹیکنالوجسٹ اسماعیل شاہ کو چیئرمین پی ٹی اے مقرر کیا گیا، وزیر مملکت انفارمیشن ٹیکنالوجی انوشہ رحمٰن اور چیئرمین پی ٹی اے اسماعیل شاہ نے اپنی ٹیم کے ہمراہ اسٹیک ہولڈرز کے ساتھ گھنٹوں اجلاس میں سخت محنت کے ذریعے اسپیکٹرم لائسنس کے قواعد کو ٹیلی کام پالیسی اور انٹرنیشنل بیسٹ پریکٹسز کے موافق بنانے میں صرف کیے، اس طرح حکومت نے بہترین ٹیم اور آکشن کا شفاف طریقہ کار وضع کرکے اپنا کردار ادا کردیا، اب مارکیٹ فورسز کی باری ہے جو اسپیکٹرم کی قدر کا تعین کریں گی۔ انہوں نے کہا کہ پاکستان میں اسپیکٹرم پرائس کو عالمی سطح پرمانیٹر کیا جارہا ہے۔
آکشن کے لیے ریزرو پرائس انٹرنیشنل پرائس سے ہم آہنگ ہے۔ انہوں نے کہا کہ تھری جی کے تین لائسنس نیلام کیے جارہے ہیں تاہم فریکوینسی کو مختلف طریقوں سے بھی تقسیم کیا جاسکتا ہے اور سربمہر بولیاں کھلنے پر معلوم ہوگا کہ کمپنیوں نے کتنی فریکوینسی کی ضرورت کا اظہار کیا ہے۔ انہوں نے کہا کہ آکشن میں حصہ لینے والی کمپنیوں کے درمیان مسابقت سخت ہوگی، اس مرتبہ صورتحال 2004 کے آکشن سے قطعی مختلف ہوگی جب آکشن کا معاملہ چند گھنٹوں میں ہی نمٹ گیا تھا۔ آکشن میں کسی نئے پلیئر کی شمولیت نہ ہونے کے بارے میں ریکارڈو ٹیواریزنے کہا کہ پاکستان ایک میچور مارکیٹ ہے جہاں دنیا کی سب سے بڑی کمپنی چائنا موبائل اور دنیا کی 10 سرفہرست کمپنیوں میں شامل دیگر 3 کمپنیاں پہلے سے موجود ہیں جو پاکستان کے لیے قابل فخر بات ہے، ان کمپنیوں کی موجودگی میں نئے پلیئر کو راغب کرنا مشکل کام ہے تاہم حکومت نے اسپیکٹرم کی نیلامی کے لیے مواقع فراہم کرکے اپنا فریضہ پورا کیا، حکومت نے اسٹیک ہولڈرز کی مشاورت سے شفاف طریقہ کار کے ذریعے اپنا کردار ادا کردیا۔
اب مارکیٹ فورسز کی باری ہے۔ انہوں نے کہا کہ پاکستان میں فورجی کے مقابلے میں تھری جی کی ڈیمانڈ زیادہ ہے، فور جی ڈیوائسز کی قیمت تاحال زائد ہے جو آئندہ چند سال میں جاکر کم ہوگی، اس تناظر میں نیلامی میں حصہ لینے والی کمپنیوں کی دلچسپی بھی فور جی کے مقابلے میں تھری جی ٹیکنالوجی میں زیادہ ہوگی، ہر آپریٹر آکشن میں طویل مدتی حکمت عملی کے تحت حصہ لے رہا ہے۔ نیلامی کے قواعدوضوابط کے مطابق نیو انٹرنیٹ کو 850 میگا ہرٹز لائسنس کی بولی دینا تھی تاہم نیو انٹرنیٹ نہ آنے کی صورت میں کوئی بولی موصول نہ ہوسکی۔ اس بارے میں ریکارڈو ٹیواریزکا کہنا ہے کہ یہ ایک بہترین فریکوینسی ہے جو کوریج کے سبب موبائل براڈ بینڈ کے لیے اہمیت کی حامل ہے، حکومت کے پاس اس فریکوینسی کے آکشن کا آئندہ کے لیے آپشن موجود ہے، مستقبل کے آکشن میں اس فریکوینسی کو اہمیت حاصل ہوگی۔
More Technology Articles
مائیکروسافٹ نے اینڈروئیڈ ایپس سپورٹ کے ساتھ ونڈوز 11 پیش کر دی
Windows 11 Announced With Android Apps Support
ٹی ایس ایم سی یورپ کی بجائے امریکا میں 3 این ایم فاؤنڈری بنائے گا
Reuters: TSMC May Build Its Advanced 3nm Foundry In The US Instead Of Europe
انسٹاگرام صارفین جلد ہی ڈیسک ٹاپ سے بھی پوسٹ تخلیق کر سکیں گے
Instagram Will Soon Let You Create Posts On Desktop
گوگل نے فٹ بٹ کی خریداری کو مکمل کر لیا
Google Completes Acquisition Of Fitbit
ایپل نے بہتر ساؤنڈ اور سری سمارٹ کے ساتھ 99 ڈالر کا ہوم پیڈ منی پیش کر دی
Apple Outs $99 HomePod Mini With Big Sound And Siri Smarts
او ایل ای ڈی ڈسپلے اور فائیو جی کے ساتھ ایپل نے آئی فون 12 اور 12 منی متعارف کرا دئیے
Apple IPhone 12 And 12 Mini Are Official With OLED Displays, 5G
فائیو جی ، بڑی سکرین اور بہتر کیمروں کے ساتھ ایپل نے آئی فون 12 پرو اور پرو میکس پیش کر دئیے
Apple IPhone 12 Pro And Pro Max Unveiled With 5G, Larger Screens, Improved Cameras
گیمنگ لیپ ٹاپس بائینگ گائیڈ
Gaming Laptop Buying Guide
ایپل نے اے 14 بائیونک چپ سیٹ کے ساتھ نیا آئی پیڈ ائیر پیش کر دیا
Apple Unveils New IPad Air With A14 Bionic Chipset, Refreshes Entry-level IPad Too
ایپل نے باضابطہ طور پر واچ سیریز 6 اور واچ ایس ای جاری کر دیں
Apple Watch Series 6 And Watch SE Are Official
سام سنگ نے اب تک کا سب سے سستا فائیو جی فون اے42 فائیو جی سمارٹ فون پیش کر دیا
Samsung Announces Galaxy A42 5G - Its Cheapest 5G Phone Yet
ہواوے فلوٹنگ ڈسپلے کے ساتھ نوٹ بک پیش کرے گا
Huawei To Introduce A Notebook With Floating Display, Honor To Bring A New Budget Entry