Shaheen Ka Jahan Aur--- (iqbaliyat) By Shahida Shaheen Shaheed

کسی بھی فنی یا تخلیقی شعبے میں تخلیقات کا انبار لگا دینا بڑائی نہیں ہے بلکہ بڑے لوگوں کے افکار و نظریات کو عملی زندگی میں بروئے کار لا کر بڑا ہونا اور بنی نوع انسان کی خدمت کو نصب العین بنانا اصل بڑائی ہے ۔ اس فنکار کی سب قدر کرتے ہیں جس کے افکار کو اس کے اعمال اجالتے ہوں۔ یوں تو اقبال پر پہلے بھی بہت کچھ لکھا گیا ہے اور جتنا اقبال پر لکھا گیا ہے برصغیر کے کسی اور شاعر پر اتنا نہیں لکھا گیا۔ لیکن دورِ حاضر کی ضرورت و اہمیت کے پیش نظر اقبال کے جن افکار اور پیغام کو فرد اور قوم کے عملاً سامنے لانے کی جس قدر اب ضرورت محسوس کی جانے لگی ہے شاید اس سے پہلے نہ کی گئی ہو۔ اس کتاب میں دیئے گئے اقبال کے پیغام اور افکار سے بہت استفادہ کیا جا سکتا ہے بالخصوص نوجوان نسل اس سے بہت فیض یاب ہو سکتی ہے۔