Palak Handi Tips in Urdu - Palak Handi Totkay - Tip No. 7194

گوشت کو صاف دھو کر چھلنی میں رکھ لیں۔ہری مرچیں،ہرا دھنیا،سویا اور چار سے چھ جوئے لہسن کے ملا کر پیس لیں۔
پیاز،ٹماٹر اور لہسن کو آدھی پیالی پانی میں اُبال کر پیس لیں اور انھیں پسے ہوئے ہرے مصالحے کے ساتھ مارجرین یا مکھن میں فرائی کر لیں۔پھر اس میں نمک،بھنا ہوا کٹا ہوا زیرہ اور لال مرچ شامل کرکے اچھی طرح بھونیں۔
پین میں چار کھانے کے چمچ کوکنگ آئل میں گوشت کو اچھی طرح سنہری ہونے تک فرائی کر لیں،پھر اس میں باریک کٹی ہوئی پالک شامل کرکے ہلکی آنچ پر پکنے رکھ دیں۔
جب گوشت گلنے پر آجائے تو تیل علیحدہ ہونے تک بھونیں اور پیاز والے مصالحے ڈال کر ملا لیں۔
پھینٹی ہوئی دہی،گرم مصالحہ اور باریک کٹی ہوئی ادرک ڈال کر ہلکی آنچ پر دس سے بارہ منٹ کے لئے دم پر رکھیں۔کریم ڈال کر دو سے تین منٹ پکا کر چولہے سے اُتار لیں۔
گرم گرم پالک ہانڈی کو چپاتی یا اُبلے ہوئے چاولوں کے ساتھ شروع کریں۔