Ramzan Aya Khushiyaan Laya - Article No. 1720
![Ramzan Aya Khushiyaan Laya](https://photo-cdn.urdupoint.com/show_img_new/kids/kids_article_images/2020/740x404/pic_183ad_1587996469.jpg._2)
رمضان آیا خوشیاں لایا - تحریر نمبر 1720
رمضان کا مہینہ شروع ہو گیا یہ مہینہ تو ویسے بھی برکتوں اور رحمتوں کا مہینہ ہے ،دعاؤں کی قبولیت کا مہینہ ہے تو کیوں نہ ان لاک ڈاؤن کے دنوں میں ماہ رمضان میں بہت زیادہ عبادت کریں
پیر 27 اپریل 2020
پیارے بچو!آجکل لاک ڈاؤن کی وجہ سے سکول بند ہیں اس لئے آپ سب گھروں میں محفوظ ہو کر وقت گزار رہے ہیں ،کیونکہ پوری دنیا اس وقت ایک وباء کی زد میں ہے لہٰذا ہم سب کیلئے ضروری ہے کہ گھروں تک محدود ہیں۔ لیکن ان پریشانی کے دنوں میں ہم سب پر اللہ کا کرم ہو گیا کہ رمضان کا مہینہ شروع ہو گیا یہ مہینہ تو ویسے بھی برکتوں اور رحمتوں کا مہینہ ہے ،دعاؤں کی قبولیت کا مہینہ ہے تو کیوں نہ ان لاک ڈاؤن کے دنوں میں ماہ رمضان میں بہت زیادہ عبادت کریں ،نمازیں پڑھیں ،قرآن پاک پڑھیں اور اپنے رب سے معافی مانگیں ،استغفار پڑھیں اور اللہ کے دعامانگیں کہ اس دنیا سے اس وباء کا خاتمہ فرما دے ،آمین!
پیارے بچو اب جبکہ رمضان المبارک کے مبارک دنوں کا آغاز ہو چکا ہے تو کیوں نہ آپ کو رمضان المبارک کی نعمتوں کے بارے میں بتایا جائے تاکہ ہم اس مہینے کی برکتوں کو زیادہ سے زیادہ سمیٹ سکیں۔
(جاری ہے)
پیارے بچو!اس مبارک مہینے میں قرآن کریم نازل ہوا ،جو لوگوں کو ہدایت کرنے والا ہے ۔حضرت ابن عباس رضی اللہ عنہ فرماتے ہیں کہ دیگر الہامی کتابیں یعنی زبور،توراة اور انجیل بھی اسی مقدس مہینے میں نازل ہوئیں ۔اس مہینے میں نیکیوں کی قیمت بڑھ جاتی ،گناہ بخشوانا آسان ہو جاتاہے ،معصیت کی نکیل کھینچ لی جاتی ہے ،جنت کے دروازے کھل جاتے ہیں ،جہنم کے دروازے بند ہو جاتے ہیں اور شیاطین بند کر لئے جاتے ہیں ۔رسول اللہ صلی اللہ علیہ وآلہ وسلم نے فرمایا جس شخص نے ثواب کی اُمید کے ساتھ رمضان کا روزہ رکھا، اس کے تمام گزرے گناہ معاف کر دئیے گئے (بخاری)اور جس نے ایمان واحتساب کے ساتھ رمضان میں قیام کیا ،اس کے تمام گزرے گناہ مٹ گئے (بخاری ومسلم)
بخاری شریف کی ایک حدیث کا مفہوم یہ ہے کہ ان آدم کا ہر عمل اس کے اپنے لئے ہوتاہے ،سوائے روزہ کے ۔روزہ محض اللہ کے لئے ہوتاہے اور اس کا بدلہ وہی دے گا اور روزہ وہ عمل ہے ،جس میں ریا کاری نہیں آتی ۔ یوں تو اس مبارک مہینے میں ہر قسم کے نیک اعمال کی قیمت بڑھ جاتی ہے ۔مگر چند امور ایسے ہیں ،جن کا اہتمام خود رسول اللہ صلی اللہ علیہ وآلہ وسلم فرمایا کرتے تھے ۔اس مبارک مہینے میں اللہ کے رسول صلی اللہ علیہ وآلہ وسلم کثرت سے قرآن کی تلاوت کیا کرتے تھے اور حضرت جبرائیل علیہ السلام کبھی اُن سے سنتے اور کبھی اُن کو سناتے۔
رسول اللہ صلی اللہ علیہ وآلہ وسلم یوں تو ہمیشہ صدقہ وخیرات کیا کرتے تھے ،خود بھوکے رہ کر دوسروں کو کھلاتے تھے ۔لیکن رمضان مبارک کے مہینے میں آپ صلی اللہ علیہ وآلہ وسلم کے ہاتھ میں کوئی چیز نہیں رُکتی تھی ،ہاتھ آتے ہی فوراً صدقہ کر دیتے ۔رسول اللہ صلی اللہ علیہ وآلہ وسلم کا حال یہ تھا کہ جب رمضان آجا تا تو کمر بستہ ہو جاتے خود بھی جاگتے اور اہل واعیال کو بھی جگاتے ۔رمضان کے آخری عشر ے میں آپ صلی اللہ علیہ وآلہ وسلم اعتکاف کیا کرتے تھے ۔رسول اللہ صلی اللہ علیہ وآلہ وسلم نے فرمایا جس شخص نے ایمان واحتساب کے ساتھ رمضان کا قیام کیا ،اس کے تمام گزرے گناہ معاف کر دئیے گئے ۔آپ میں سے کئی بچے تو اس وقت یہ بھی سوچ رہے ہوں گے کہ اُن پر تو رمضان کے روزے ابھی فرض نہیں ہوئے تو پھر اتنی گرمی کے روزے کیوں رکھیں ۔اس کا جواب یہ ہے کہ اس مہینے میں جس قدر بھی عبادت اورریاضت کی جائے اس کا پورا پورا اجر ملے گا۔
پیارے بچو!رمضان المبارک ہمیں یہ پیغام دے رہا ہے کہ اسلامی تعلیمات پر پہنے خود کار بند ہو جاؤ پھراسے دنیا میں عام کرو۔ رمضان کے مبارک موقع پر اپنے بھائیوں کو نہیں بھولنا چاہیے ۔رسول کریم صلی اللہ علیہ وآلہ وسلم نے واضح طور پر فرمایا ہے کہ بدنصیب ہے وہ شخص جورمضان کو پائے اور جنت نہ کما سکے ۔آپ لوگ اگر ان باتوں پر عمل کریں گے یقینا آپ کا رمضان کا مہینہ تو اچھا گزرے گا ہی اس کے ساتھ ساتھ وباء کے دن بھی سکون سے گزر جائیں گے اللہ تعالیٰ ہم سب کو اپنی حفظ وامان میں رکھے۔
Browse More True Stories
![Izzat Ka Sawal](https://photo-cdn.urdupoint.com/show_img_new/kids/kids_article_images/2019/220x220/pic_8d922_1558788508.jpg._1)
عزت کا سوال
Izzat Ka Sawal
![Wo Dehshatnak Raat](https://photo-cdn.urdupoint.com/show_img_new/kids/kids_article_images/2019/220x220/pic_15b3d_1572089933.jpg._1)
وہ دہشت ناک رات
Wo Dehshatnak Raat
![Nosar Baz](https://photo-cdn.urdupoint.com/show_img_new/kids/kids_article_images/2022/220x220/pic_420df_1658840299.jpg._1)
نوسر باز
Nosar Baz
![Doosron Ko Naseehat](https://photo-cdn.urdupoint.com/show_img_new/daily/images/220x220/no_image.jpg._1)
دوسروں کو نصیحت
Doosron Ko Naseehat
![Shikasta Dil](https://photo-cdn.urdupoint.com/show_img_new/kids/kids_article_images/2019/220x220/pic_6286d_1572525119.jpg._1)
شکستہ دل
Shikasta Dil
![Anokhi Shadi](https://photo-cdn.urdupoint.com/show_img_new/kids/kids_article_images/2016/220x220/pic_1477649259.jpg._1)
انوکھی شادی
Anokhi Shadi
Urdu Jokes
دفن
Dafan
ایک صاحب
Aik sahib
لطیفے باپ بیٹے سے
latifay baap beti se
بھکاری
bhikari
جیسے کو تیسا
jaise ko taisa
ایک دفعہ
aik dafa
Urdu Paheliyan
ہے شرط اس میں خاموش ہونا
he sharat is me khamosh hona
کچھ لمبا کچھ گول مٹول
kuch lamba kuch gol matol
شب بھر وہ پانی میں نہائے
shab bhar woh pani me nahaye
کوئی رنگ نہ بیل نہ بوٹے
koi rang na bale na booty
سر ہے چمٹا منہ نوکیلا
sar hi chimta munh nokeela
چار ہیں رانیاںاور اک راجا
char hen ranian aur aik hai raja