کترینہ کیف نے اپنی شادی سے متعلق فیصلہ سنا دیا

ممبئی (اُردو پوائنٹ اخبارتازہ ترین - این این آئی۔ 15 اگست2019ء) بالی ووڈ اداکارہ کترینہ کیف نے کہا ہے کہ شادی نہیں کروں گی، جس حد تک ممکن ہوا کنواری ہی رہوں گی۔اداکارہ کترینہ کیف نے حال ہی میں ایک انٹرویو کے دوران ایک سوال کا جواب دیتے ہو ئے انکشاف کیا ہے کہ حقیقتاً وہ نہیں جانتی کہ وہ ہمیشہ تنہا رہ پائیں گی یا نہیں تاہم جس حد تک ممکن ہو سکا وہ کنواری ہی رہیں گی۔

(جاری ہے)

کترینہ کیف کا کہنا تھا کہ شاید شادی ایک ایسا لفظ ہے جس کو میں سمجھ نہیں پائی اور مجھے نہیں لگتا کہ میں اچھی بیوی ثابت ہوں گی۔یادرہے کہ کترینہ کیف اور سلمان خان بہترین دوست ہیں اور کئی لوگ انہیں پریمی جوڑا بھی ایک عرصے تک سمجھتے رہے ، پھر رنویر کپور کیساتھ بھی قربتیں رہیں اور یہ بھی سنا گیا کہ دونوں شادی کرنے جارہے ہیں لیکن پھر معاملات میں کچھ خرابی آئی ، اس جوڑی میں بھی دوریاں پیدا ہونے لگیں اور کترینہ نے اعتراف بھی کیا کہ یہ وقت ان کے لیے مشکل تھا لیکن اس نے انہیں مزید مضبوط بنایا۔