- Home
- شوبز
- بیوی پر تشدد کا معاملہ، جونی ڈیپ کی 2 سابق دوستیں مدد کو سامنے آگئیں،شریف انسان قرار ددیدیا
بیوی پر تشدد کا معاملہ، جونی ڈیپ کی 2 سابق دوستیں مدد کو سامنے آگئیں،شریف انسان قرار ددیدیا
جونی ڈیپ کیساتھ 14 سال کا وقت گزارا ،دو 2 بچوں کی پرورش بھی ،کبھی جونی کو غصہ یا تشدد کرتے نہیں پایا ،ونیسا پیراڈائیز جونی کیساتھ کئی سال گزارے مگر کبھی بھی غصے والی حالت میں نہیں دیکھا، جونی نے ہاتھ اٹھایا نہ ہی کبھی تشدد کیا، ونونا رائیڈر
ہفتہ 16 مئی 2020 12:00
(جاری ہے)
اخبار کی جانب سے مضمون شائع کیے جانے کے بعد جونی ڈیپ نے اخبار کے خلاف برطانوی عدالت میں مقدمہ دائر کرتے ہوئے اخبار کے خلاف 2 لاکھ یورو ہرجانے کا دعویٰ بھی دائر کیا تھا اور اس کی متعدد سماعتیں ہوچکی ہیں۔
کیس کی تازہ سماعت مارچ کے آغاز میں ہونی تھی تاہم کورونا لاک ڈاؤن کے باعث سماعت ملتوی کردی گئی ، تاہم 13 مئی کو کیس کی سماعت ہوئی تو فرانسیسی نژاد گلوکارہ و اداکارہ 47 سالہ ونیسا پیراڈائیز اور امریکی اداکارہ و پروڈیوسر 48 سالہ ونونا رائیڈر نے جونی ڈیپ کے حق میں بیان جمع کروایا۔دونوں اداکاروں وگلوکاراؤں نے جونی ڈیپ کی شخصیت، ان کی عادتوں اور ان کے کردار پر کھل کر بات کرتے ہوئے انہیں شریف انسان قرار دیا۔فرانسیسی اداکارہ و گلوکارہ ونیسا پیراڈائیز کی جانب سے عدالت میں جمع کرائے گئے بیان میں کہا گیا کہ انہوں نے جونی ڈیپ کیساتھ 14 سال کا وقت گزارا اور دونوں نے 2 بچوں کی پرورش بھی کی۔انہوں نے کہا کہ میں نے 14 سال میں کبھی جونی ڈیپ کو اپنے اوپر غصہ کرتے ہوئے یا تشدد کرتے ہوئے نہیں پایا اور نہ ہی اداکار نے کبھی ان سے کسی معاملے پر چلاتے ہوئے بات کی۔اسی طرح امریکی اداکارہ و پروڈیوسر ونونا رائیڈر نے بھی جونی ڈیپ کے حق میں بیان دیتے ہوئے کہا کہ انہوں نے بھی اداکار کے ساتھ کئی سال گزارے مگر انہوں نے کبھی بھی اداکار کو غصے والی حالت میں نہیں دیکھا۔ونونا رائٰیڈر کے مطابق ان کے اور جونی ڈیپ کے درمیان رومانوی تعلقات رہے اور انہوں نے خوشگوار حالات کے ساتھ اچھا وقت گزارا، کبھی بھی جونی ڈیپ نے ان پر ہاتھ نہیں اٹھایا اور نہ ہی ان پر کبھی کسی قسم کا تشدد کیا۔انہوں نے اپنے بیان میں لکھا کہ وہ جونی ڈیپ کی اہلیہ اداکارہ امبر ہرڈ کی جانب سے لگائے گئے الزامات کو سچ تسلیم نہیں کر سکتیں، کیوں کہ جونی ڈیپ نے کبھی بھی ان کے ساتھ ایسا رویہ اختیار نہیں کیا تھا۔دونوں اداکاراؤں کی جانب سے جونی ڈیپ کے حق میں بیان دیے جانے کے بعد عدالت نے کیس کی سماعت جولائی تک ملتوی کردی گئی ہے ۔امبر ہرڈ کی ٹیم کی جانب سے جاری کیے گئے بیان میں مزید کہا گیا کہ کسی بھی مرد کے ساتھ ایک خاتون کے تجربے کو دوسری خاتون کے تجربے کے ساتھ موازنہ نہیں کیا جا سکتا۔مزید متعلقہ خبریں پڑھئیے :
Famous Showbiz Stars
Sonam Kapoor
Zoë Kravit
Tiger Shroff
Mehreen Raheel
Nicole Kidman
Lucas Black
Zebunnisa Bangash
James Franco
Boman Irani
Mahie Gill
John Boyega
Adam DeVine
Showbiz News In Urdu
-
ٹک ٹاک کوک اسٹوڈیو سیزن15 کے لیے آفیشل انٹرٹینمنٹ پارٹنر بن گیا
-
کامیڈی کنگ منورظریف کی48 ویں برسی29اپریل کو منائی جائے گی
-
پاکستانی فلم انڈسٹری کے معروف اداکار و فلمسازنعیم ہاشمی کی48ویں برسیآج منائی جائے گی
-
برصغیر کے نامور اردوڈرامہ نگارآغاحشر کاشمیری کی 89ویں برسی کل منائی جائے گی
-
الو ارجن نے اپنا معاوضہ 150 کروڑ کردیا، میڈیا پر قیا س آرائیاں
-
تمنا بھاٹیہ اور سنجے دت کو سائبر کرائم سیل نے طلب کر لیا
-
اداکارہ ایشا دیول کا اداکار فردین خان کی فلمی دنیا میں واپسی پر خوش آمدید
-
جنسی زیادتی کا جرم،ہالی ووڈ فلم پروڈیوسر ہاروی وائنسٹین کی سزا منسوخ