اریبہ حبیب آئٹم نمبر کے خلاف بول پڑیں

کراچی (اُردو پوائنٹ اخبارتازہ ترین - این این آئی۔ 23 فروری2021ء) پاکستانی معروف ماڈل، اٴْبھرتی اداکارہ اریبہ حبیب کا آئٹم نمبر سانگ سے متعلق کہا ہے کہ ’آئٹم نمبر‘ نام ہی غلط ہے اور یہ پاکستان جیسے مسلم ملک کیلئے بنا ہی نہیں ہے۔

(جاری ہے)

انسٹا گرام پر 1.5 ملین فالوورز رکھنے والی اداکارہ اریبہ حبیب نے ایک انٹرویو میں آئٹم نمبر سانگز کی سخت مخالفت کرتے ہوئے کہا ہے کہ ’ آئٹم سانگز بھارت جیسے ملک میں ہی بننا شروع ہوئے ہیں اور یہ بھارتی عوام کیلئے ہی بنے ہیں، اٴْنہیں فلموں میں مسالا چاہیے ہوتا ہے، ڈانس، میوزک اور ڈرامہ بھارتیوں کی روایت میں شامل ہے۔

‘اریبہ حبیب نے کہا ہے کہ ’کیوں کہ ہم مسلمان ہیں اسی لئے ہم ایسی چیزیں پسند نہیں کرتے، ہم اسے برا سمجھتے ہیں، ہمارے 90 فیصد ڈرامہ شائقین مڈل کلاس ہیں جنہیں یہ سب پسند نہیں آتا‘۔انہوں نے کہا کہ ’ ہماری آڈیئنس جب شام میں اپنی فیملی کے ساتھ بیٹھ کر ٹی وی دیکھتے ہیں اور آپ اٴْنہیں آئٹم نمبر دکھائیں، آئٹم نمبر غلط نہ بھی ہو تو بھی وہ اس چیز کو قبول نہیں کرتے‘ ۔