ماہرہ خان کی شاہ رخ خان پر ساحر لودھی کو ترجیح

منگل مئی 20:16

ماہرہ خان کی شاہ رخ خان پر ساحر لودھی کو ترجیح
لاہور (اُردو پوائنٹ اخبارتازہ ترین - آن لائن۔ 11 مئی2021ء) پاکستان کی خوبرو اداکارہ و سپر ماڈل ماہرہ خان کی جانب سے بھارتی سٴْپر اسٹار شاہ رٴْخ خان پر پاکستان کے معروف فنکار ساحر لودھی کو ترجیح دے دی گئی ہے۔ہر دلعزیز اداکارہ ماہرہ خان کے پاکستان سمیت بھارت میں بھی بڑی تعداد میں مداح پائے جاتے ہیں۔ماہرہ خان نے بھارتی فلم انڈسٹری میں لیجنڈری اداکار شاہ رٴْخ خان کے مدِ مقابل فلم میں اپنی جاندار اداکاری اور خوبصورت ادائوں کے سبب سرحد پار بھی کافی داد صول کی تھی۔

ماہرہ خان کی سوشل میڈیا ایپ انسٹا گرام پر ایک مختصر سی ویڈیو وائرل ہو رہی ہے جس میں وہ ایک میزبان کے ساتھ کار کے سفر کے دوران ساتھ میں انٹرویو دے رہی ہیں اور ساتھ ہی میزبان کی دلچسپ باتوں سے محظوظ ہو رہی ہیں۔

(جاری ہے)

میزبان کی جانب سے ماہرہ خان سے متعدد سوالات کیے گئے ہیں۔ماہرہ خان کا یہ مکمل انٹرویو تو عید پر جاری کیا جائے گا جبکہ فی الحال اس شو کا ایک مختصر سا ٹیزر ہی مداحوں کی کافی توجہ حاصل کر رہا ہے۔

میزبان کے ایک سوال کے جواب میں ماہرہ خان نے اپنا پسندیدہ پروجیکٹ چنتے ہوئے بتایا ہے کہ اٴْن کا من پسند پروجیکٹ فلم ’بِن روئے‘ کے بجائے اٴْن کا ڈرامہ سیریل ’ہمسفر‘ ہے۔میزبان کی جانب سے ماہرہ خان کی پسند پوچھنے کے لیے شو کے دوران سوال کیا گیا ہے کہ ’ماہرہ خان کو ساحرلودھی پسند ہے یا شاہ رٴْخ خان ۔‘جس کا جواب دیتے ہوئے ماہرہ خان کا کہنا ہے کہ ’اٴْنہیں شارٴْخ خان نہیں بلکہ پاکستان کے معروف میزبان، اداکار، ہدایتکار اور گلوکار ساحر لودھی پسند ہیں۔

مزید متعلقہ خبریں پڑھئیے‎ :

وقت اشاعت : 11/05/2021 - 20:16:25

Your Thoughts and Comments