بھارتی اداکارہ وکامیڈین بھارتی سنگھ کے خلاف مقدمہ درج

ٖممبئی (اُردو پوائنٹ اخبارتازہ ترین - آن لائن۔ 18 مئی2022ء) بھارتی ٹیلی ویژن، فلموں اور اسٹیج کی اداکارہ و کامیڈین بھارتی سنگھ کے خلاف سکھ برادری کے جذبات مجروح کرنے کے الزام مقدمہ درج کرلیا گیا۔ھارت کی معروف کامیڈین بھارتی سنگھ نے کامیڈی کے دوران سکھوں کی دل آزاری پر معافی مانگ لی ہے۔بھارتی کامیڈین نے داڑی مونچھ پر مبنی ایک مزاحیہ خاکہ 5 برس قبل پیش کیا تھا جس پر اب ان کے خلاف ایف آئی آر درج کرائی گئی ہے۔

(جاری ہے)

ایف آئی آر میں سکھ برادری کا کہنا ہے کہ انہوں نے سکھوں کے مونچھ اور داڑھی کا مذاق اڑا کر ان کی جذبات کی توہین کی۔بتایا جاتا ہے کہ بھارتی سنگھ ’دی خطرہ خطرہ شو‘ کے حوالے سے گزشتہ ہفتے ایک وائرل ویڈیو پر سوشل میڈیا صارفین نے بھی شدید تنقید کی تھی۔ بھارتی میڈیا کے مطابق بھارتی سنگھ پر مشرقی پنجاب کے شہر جالندھر میں ایف آئی آر درج کی گئی ہے۔بھارتی سنگھ نے پیر کو اپنے ایک ویڈیو پیغام میں وضاحت کرتے ہوئے کہا تھا کہ لوگوں نے اس کا غلط مطلب لیا ہے، میرا جذبہ اس حوالے سے بالکل واضح ہے۔