یوکرین کی مشہور گلوکارہ و اداکارہ ساحر علی بگا کے ساتھ گایا نیا گانا ریلیز کرنے لاہور آئیں گی

کمالیہ(اُردوپوائنٹ اخبارتازہ ترین۔13جنوری۔2024ء) سابقہ مس ورلڈ بننے والی یوکرینی گلوکارہ و اداکارہ کمالیہ کا پاکستانی گلوکار ساحر علی بگا کے ساتھ نیا پنجابی ریمکس گانا '' لٹھے دی چادر "" 15 جنوری کو پاکستان سمیت دنیا بھر میں ریلیز کیا جائے گا، گانے کو نامور میوزک پروڈیوسر نعمان رؤف حیدر نے پروڈیوس کیا ہے، معروف یوکرینی گلوکارہ کمالیہ اس قبل بھی اپنا سولو گانا پریٹی گرل ریلیز کر چکی ہیں جس کو میوزک کی دنیا میں بے حد پذیرائی حاصل ہوئی جبکہ انکے نئے پنجابی گانے کو لاہور میں عکسبند کیا گیا جس کو صہیب راۓ نے ڈائریکٹ کیا۔

(جاری ہے)

اس گانے کی پروڈکشن بین الاقوامی معیار کے مطابق کی گئی میوزک کے دلدادہ افراد  کو اچھی موسیقی کے ساتھ اپنا کلچر بھی دیکھنے کو ملے گا گانے کو رواں ماہ ریلیز کیا جائے گا.