ٹام کروز اور آنا دے آرمس کے درمیان 9 ماہ سے جاری رومانس ختم

نیویارک (اُردو پوائنٹ اخبارتازہ ترین - این این آئی۔ 17 اکتوبر2025ء) ہالی ووڈ کے معروف امریکی اداکار اور فلم پروڈیوسر ٹام کروز اور انکی گرل فرینڈ آنا ڈی آرمس کے درمیان جاری رومانس 9 ماہ بعد ہی ختم ہوگیا۔اس حوالے سے بتایا جاتا ہے کہ 63 سالہ ٹاپ گن کے اداکارہ ٹام کروز اور انکی کیوبن امریکن 37 سالہ پرکشش گرل فرینڈ اداکارہ آنا ڈی آرمس نے کبھی بھی اپنے درمیان رومانوی تعلق کی باقاعدہ تصدیق نہیں کی۔

(جاری ہے)

انھیں ایک دوسرے کا ہاتھ تھامے اس سال کے اوائل میں سابق برطانوی فٹبالر ڈیوڈ بیکہم کی 50ویں سالگرہ کی تقریب اکٹھے دیکھا گیا تھا۔لیکن اب اطلاع یہ ہے کہ ان کے درمیان ریلیشن شپ اپنے انجام کو پہنچ چکی ہے، گو کہ یہ دونوں اب بھی دوست ہیں لیکن بریک اپ کے باعث ڈیٹنگ کا سلسلہ اختتام کو پہنچ چکا ہے۔برطانوی ٹیبلوئیڈ دی سن کے ذرائع کے مطابق ٹام کروز اور آنا ڈی آرمس نے ایک ساتھ اچھا وقت گزارا لیکن انکے اب بطور جوڑا ساتھ چلنے کا وقت ختم ہوگیا ہے۔یہ دونوں ورمونٹ میں جہاں آنا ڈی آرمس کا 7 ملین ڈالر کا گھر ہے وہاں نظر آتے تھے۔ واضح رہے کہ انا کو ٹام کروز کی آئندہ آنے والی فلم میں کاسٹ کیا گیا جس میں دونوں ساتھ کام کریں گے۔