لاہور کے کھانوں کا تو جواب ہی نہیں٬ارمینا رانا خان

لاہور(اُردو پوائنٹ اخبارتازہ ترین - آن لائن۔ 06 نومبر2016ء) برطانوی اداکارہ وماڈل ارمینا رانا خان نے کہا ہے کہ لاہور ہر لحاظ سے بہت پسند ہے مگر یہاں کے کھانوں کا تو جواب ہی نہیں ۔ایک انٹرویو میں انہوں نے کہاکہ دنیا جس طرح کہتی ہے کہ ’’لاہور لاہور ہے‘‘ بالکل یہ بات سو فیصد درست ہے اور مجھے لاہور ہر طرح سے بہت پسند ہے خاص کر یہاں کے کھانوں کا تو جواب ہی نہیں ۔

(جاری ہے)

ایک عام سی ریڑھی سے بھی آپ اتنا عمدہ اور مزے دار کھانا ملے گا کہایسا کھانا لندن کی فوڈ مارکیٹ سے بھی نہیں ملے گا ۔ایک سوال کے جواب میں انہوں نے کہاکہ پاکستان فلم انڈسٹری میں بننے والی فلمیں ہرلحاظ سے عالمی معیارکے مطابق ہیں۔اعلی تعلیم یافتہ اور نوجوان فلم سازوں نے جب سے فلم انڈسٹری کی باگ ڈور سنبھالی ہے٬ تب سے بہتری کے آثارنمایاں ہونے لگے ہیں۔انہوں نے کہاکہ پاکستانی فلم انڈسٹری کو وسائل کی کمی ہے اگر وسائل کی کمی پوری کردی جائے تو ہم بالی ووڈ کا مقابلہ کرسکتے ہیں ۔