نئی ہالی ووڈفلم ’’دی گریٹ وال‘‘ کا ٹریلر جاری

بیجنگ (اُردو پوائنٹ اخبارتازہ ترین - آئی این پی۔ 02 دسمبر2016ء) دیوارِ چین کی پر اسراریت پر مبنی نئی ہالی ووڈ ایکشن ایڈونچر تھری ڈی فلم ’دی گریٹ وال‘ کا ٹریلر جاری کر دیا گیا ہے۔چینی سنیما کے اشتراک سے بننے والی اس فلم کویینگ چینگ نے ڈائریکٹ کیا ہے۔چائنہ ریڈیو انٹر نیشنل کے مطابق فلم کی کہانی عظیم دیوارِ چین کی پر اسراریت کے گِرد گھوم رہی ہے جسکے مطابق خوفناک مخلوق سے بچنے کیلئے محنت کشوں نے 17سو سال کے طویل ترین عر صے میں55سو میل لمبی اس عظیم الشان دیوار کو تعمیر کیا۔

دیوارِ چین کے ارد گِرد موجود گہری کھائیوں میں بسنے والے ان مونسٹرز سے لوگوں کو بچانے کیلئے ہزاروں سپاہی مورچہ بند ہوتے اور حملہ آوا ر ہونیوالی دہشت ناک مخلوق کا خاتمہ کرنے کی کوشش کرتے تاہم اکثر و بیشتر اپنی جان سے ہاتھ دھو بیٹھتے۔

(جاری ہے)

تھامس ٹٴْل ، چارلس روون اورجان جاشنی کی مشترکہ پروڈکشن میں بننے والی اس فلم میں معروف ہالی ووڈ اداکار میٹ ڈیمن مرکزی کردار نبھا رہے ہیں جن کے علاوہ دیگر کاسٹ میں اینڈی لیو،پیڈرو پاسکل، ولیئم ڈیفوئے اورٹیانگ جینگ شامل ہیں۔160ملین ڈالر لاگت سے لیجنڈری پکچر زکی تیار کردہ یہ سنسنی خیز ایکشن ایڈونچر تھری دی فلم یونیورسل اسٹوڈیوز کے تحت آئندہ سال17فروری کو مختلف زبانوں میں نمائش کیلئے پیش کر دی جائیگی۔