ہالاکے مقام غیر قانونی کچے کے مقام قائم بندپانی کے دباوٴ سے ٹوٹنے سے کچے کی سینکڑوں ایکڑ پرکھڑی فصل پانی کے نذر ہوگئی

ہالا ( اُردو پوائنٹ اخبار تازہ ترین۔03اگست۔2015ء)دریاء سندہ پرانا ہالاکے مقام غیر قانونی کچے کے مقام قائم بندپانی کے دباوٴ سے ٹوٹنے سے کچے کی سینکڑوں ایکڑ پر اگائے گئے کروڑوں کی فصل پانی کے نذر ہوگئی،اچانک پانی آنے سے دریا کے کچے میں آباد سینکڑوں لوگوں کی نقل مکانی صرف جانیں بچا کر نکلے،متاثرین کھلے آسمان تلے بے یارو مددگار ،محکمہ آبپاشی کی جانب سے سال2010میں سیلاب کے دوٴران مدے خارج قرار دی جانے والی منوں ماچھی موری پر پانی کے دباوٴ سے بند ٹوٹنے کا خدشہ ،پولیس کی غفلت سے پرانا ہالا بچاوٴبند پکنک کا منظر دکھائی دینے لگا محکمہ آبپاشی، سیاسی سماجی تنظیموں نے بچاوٴبندوں پر نگرانی کے لیئے پاک فوج،رینجرس کی مقرری کا مطالبہ کردیا -تفصیلات کے مطابق مطابق دریاء سندہ پراناہالا کے مقام 5لاکھ کیوسک پانی گذرنے کے دوٴران پانی کے شدیدد باوٴ کی وجہ سے قائم غیر قانونی کچے کے بند ٹوٹ گئے جس کے باعث سینکڑوں ایکڑ پر کروڑوں روپئے کے اگائے گئے مختلف فصل پانی کی نذر ہوگئے جبکے اچانک بند ٹوٹنے سے کئی آباد غریب بے سہارا لوگ سب کچھ پانی کی نذر ہونے کے ساتھ صرف اپنی جانیں بچاکر کھل آسمان تلے بے یارو مددگار بیٹھے ہوئے ہیں جبکے کئی افراد نقل مکانی کرتے ہوئے مختلف مقامات پر روانہ ہوگئے ہیں دوسری طرف پراناہالا بچاوٴبند کے مقام قدیمی منو ماچھی موری کو سال 2010میں سیلاب کے دوٴران کئی بار ٹوٹنے کے باعث عارضی طور لکڑی،مٹی سے بند کردیا گیا جسے محکمہ آبپاشی کے افسران نے تاحال مضبوطی سے بند نہیں کیا ہے جس کے باعث گذرنے والے تاحال سیلابی ریلے کے پانی کے دباوٴ سے شدید خطرہ لاحق ہوسکتا ہے کسی بھی وقت مذکورہ موری ٹوٹنے سے سیلابی ریلہ شہر کی طرف رخ کرسکتا ہے دریں اثناء پرانا ہالا بچاوٴبند پر پولیس کی غفلت اور ناقص انتظامات کے باعث بچاوٴبند پکنک کا منظردکھائی دینے لگا ہے کئی مردوخواتین حساس مقامات کے قریب جانے کے علاوہ کشتیوں میں سیروتفریح کررہے ہیں کوئی روکتھام نہیں کی جاتی ایک آبپاشی افسرنے نام ظاہر نہ کرتے ہوئے بتایہ کے ٹھٹھہ میں قدیم عرصہ قبل بند ٹوٹنے کے باعث محکمہ آبپاشی کے افسر نے بچابند کو بند کرنے کے لیئے جواب دیدیا تھا لیکن پاک آرمی کے افسر کی کوششوں کے باعث ٹوٹے ہوئے بچاوٴبند کو بند کیا گیا اور تمام آبپاشی افسران، عملہ بہتر طریقے سے اپنے فرائض سرانجام دے رہے تھے ان کا کہنا تھا کے اگر پاک فوج، رینجرس کی مقرری بچاوٴبند وں پر کی جائے تو کوئی نقصان نہیں ہوگا اور کوئی افسر عملہ غفلت نہیں کرے گا اور کسی کام میں مداخلت نہیں کرے گا ،آبپاشی عملے کے مطابق پرانا ہالا بچاوٴبند پہ ملاں سانونی کے مقام کچھ لوگ پتھر بچھانے میں بھی مداخلت کرتے رہتے ہیں دوسری طرف ضلع مٹیاری کے سیاسی سماجی رہنماوٴں اور شہریوں نے ضلع مٹیاری پر دریائے سندہ کے مقام تمام انتظامات کی نگرانی کے لیئے پاک فوج،رینجرس کی مقرری کا مطالبہ کیا ہے -