Murabba Mix Fruit Recipe In Urdu - Recipe No. 1309

اشیاء:
فروٹ مکس ایک کلو گرام
چینی ایک کلو گرام
روح کیوڑہ 25گرام
سبز الائچی چند عدد دانے
ترکیب:
فروٹ مکس میں آم، سیب ،خوبانی، آلوچہ، آلو، بخارا، آڑو اور ناشپاتی شامل ہوتے ہیں۔ اس کے علاوہ دیگر پھل بھی استعمال کئے جاسکتے ہیں۔ اور ان پھلوں کا مربہ بنانے کے عام طور پر ایک ہی طریقے استعمال کیا جاتا ہے۔ مربہ تیار کرنے کے لئے ہمیشہ عمدہ اقسام کے پھلوں کا انتخاب کیا جائے۔ اس مربہ کو تیار کرنے کی ترکیب یہ ہے کہ پھلوں کو پانی میں ڈال کر اچھی طرح سے ابال لیا جائے۔ خوبانی جیسے پھل کے لئے دو منٹ کافی ہیں اور آم وغیرہ کے لئے پانچ منٹ وقف کر نے چاہئیں ۔ پھلوں کو اس قدر ابال لیں کہ وہ نرم نہ ہونے پائیں۔ پھر ایک کلو گرام چینی میں ایک کلو گرم پانی ڈال کر چاشنی تیار کر لی جائے اور جب چاشنی تیار کر لیں۔ تو اس میں پھل ڈال دئیے جائیں اور اس قدر پکائیں کہ پھل گل جانے چاہئیں ۔ چاشنی چڑھنے نہ پائے۔ اب اس میں روح کیوڑہ اور الائچی ڈال دی جائے اور اتار کر ٹھنڈا ہونے کے لئے رکھ دیں اور ایک مرتبان میں ڈال کر محفوظ کر لیا جائے۔ نہایت ہی عمدہ اور لذیذ ترین صحت بخش مربہ فروٹ مکس تیار ہے۔