Sabut Masale Ka Korma Recipe In Urdu - Recipe No. 3464

اشیاء:
بڑا گوشت آدھا کلو
پیاز آدھا کلو
سوکھا دھنیا آدھی چھٹانک
مرچ سیاہ دو ماشے
جاوتری تین ماشے
نمک، سرخ مرچ حسب ذائقہ
دہی ایک پاؤ
گھی ڈیڑھ پاؤ
لہسن ایک گٹھی
سفید زیرہ دو ماشے
لونگ دو ماشے
جائفل دو عدد
کیوڑہ، زعفران حسب ذائقہ
بالائی آدھا پاؤ
ترکیب:
دھنیے کو ذرا ذرا پیس لیں یعنی زیادہ باریک نہ کر یں۔ ادرک کی موٹی موٹی قاشیں کاٹ لیں۔ پیاز کی پوتھیوں کے تین تین ٹکڑے کاٹ لیں۔ لہسن کی پوتھی کے چوے الگ الگ کر لیں۔ جب گھی کڑ کڑا لیں تو مصالحے اور گوشت کو پتیلی میں ڈال دیں اور اوپر سے گلانے کے لائق پانی بھی ڈال دیں۔ جب گوشت آدھا گلا ہو جائے تو اس میں دہی ڈالیں اور خوب بھونیں۔ بعض خواتین لہسن کا پانی تیار رکھتی ہیں اور اسے ڈال کر گوشت کو دوبارہ بھونتی ہیں۔ جب سب مصالحے اور گوشت گل جائیں تو دس پندرہ منٹ تک انہیں دم پر رہنے دیں۔ پھر پتیلی کا ڈھکنا اٹھا کر دیکھیں۔ اگر گوشت اور گھی الگ الگ نظر آرہے ہوں تو سمجھ لیں کہ سالن تیار ہو گیا ہے۔ ورنہ چند منٹ اور دم دیں۔ کیونکہ صبر کا پھل اچھا ملتا ہے۔