کراچی ،ہائی کورٹ کے احکامات کے بعداسکول فیسوں میں اضافے کے حوالے سے 12رکنی کمیٹی قائم

کراچی (اُردو پوائنٹ اخبارتازہ ترین - این این آئی۔ 04 اپریل2018ء) محکمہ تعلیم سندھ نے ہائی کورٹ کے احکامات کے بعد فیسوں میں اضافے کے حوالے سے 12رکنی کمیٹی قائم کردی ،کمیٹی 45روز کے اندر قانون سازی کے لئے مسودہ تیار کرے گی ،پیرنٹس ایکشن کمیٹی کی جانب سے فیسوں کے بعد نئے تعلیمی سال کے آغاز پر داخلہ فیسوں میں بھی کمی کرنے کے خلاف احتجاج کا عندیہ دے دیا ۔

(جاری ہے)

تفصیلات کے مطابق حکومت سندھ کے محکمہ تعلیم کی جانب سے نوٹیفکیشن جاری کیا جس میں نجی تعلیمی اداروں کی جانب سے طلبہ و طالبات سے زائد فیسوں کی وصولی کے حوالے سینئی قانون سازی کے لئے کمیٹی قائم کی ہیجو اسکولوں کے معیار تعلیم ،اساتذہ کی تنخواہوں ،اور علاقے کی مناسبت سے اسکولوں میں فیسوں کا تعین اور اس میں سالانہ مہنگائی کے تناسب سے کمی یا اضافے کا تعین کرنے کے لئے مسودہ تیار کرے گا اس کمیٹی میں والدین کے نمائندے ،محکمہ تعلیم اور اسکولوں کے مالکان کے نمائندے بھی شامل ہیں ،12رکنی کمیٹی 15مئی تک اپنا مسودہ تیا ر کرکے متعلقہ حکام کو دے گی ،اس کمیٹی میں ڈی جی پرائیویٹ اسکول منسوب حسین صدیقی ،محکمہ تعلیم کے احسان اللہ لغاری ،رافعہ جاوید ،ڈاکٹر فوزیہ خان ،اسکولوں کے ئمائندگان میں جمیل یوسف ،امینہ سید ،اکبر یازدانی ،عاصم یعقوب ،عظمی مختار ،امیر فینسی اسکولوں ایسوسی ایشن سے خالد شاہ اور شرف الزماں شامل ہیں ،دوسری جانب گزشتہ روز مقامی ہوٹل میں پیرنٹس ایکشن کمیٹی کے چیئرمین محمد کاشف صابرانی، سلمان صابرانی، معیز عطر والا، حمیر خان،عبدالغنی میمن، ارشد خان، سبین میمن، روزینہ خان، نوید ظفرحمیدی، منصور پریڈی، محمد محمود، عافرین صدیقی اور دیگر شرکت کی ،جس میں شرکا نے کہا کہ نجی اسکولوں کی من مانیوں کواب مزیدنہیں چلنے دیا جائے گا،چیف جسٹس آف پاکستان، چیف جسٹس سندھ ہائی کورٹ، وزیر اعلی سندھ اوروزیرتعلیم سندھ فوری طور پر اسکولوں کی فیسوں میں من مانے اضافے، نئے تعلیمی سال کے لئے کورس اور یونیفارم کے ساتھ ساتھ سالانہ چارجز کے نام پر ہزاروں روپے کے تقاضے کا فوری نوٹس لیں،پیرنٹس ایکشن کمیٹی کے تحت ایسے اسکولوں کے خلاف احتجاج کے پہلے مرحلے میں ان اسکولوں کے باہر سیاہ بینرز آویزاں کئے جائیں گے اور ان اسکولوں میں تعلیم حاصل کرنے والے طلبہ و طالبات کے والدین کے ہمراہ احتجاج بھی کیا جائے گا، سپریم کورٹ کو ایسے تمام اسکولوں کی فہرستیں فراہم کرنے کے لئے پیرنٹس ایکشن کمیٹی کی لیگل ایڈ کمیٹی نے بھی اپنے کام کا آغاز کردیا ہے،شرکا نے کہا کہ انہوں نے کہا کہ ایک کلاس کا کورس عام مارکیٹ میں 1000 سے 1500 کا دستیاب ہے جبکہ وہی کورس اسکول انتظامیہ 3000 سے 5000 ہزار میں فراہم کررہی ہے اور اسی طرح یونیفارم کے نام پر بھی کئی گنا زیادہ وصول کیا جارہا ہے۔