پریانکا چوپڑا نے اپنی نئی فلم کے لئے صرف 20 روز میں 7 کلو وزن کم کر لیا

ممبئی(اُردو پوائنٹ تازہ ترین اخبار۔ 4جون 2014ء) بالی ووڈ اداکارہ پریانکا چوپڑا نے اپنی نئی آنے والی فلم “دل دھڑکنے دو” کے لئے صرف 20 روز میں 7 کلو وزر کم کر لیا ہے۔

(جاری ہے)

بھارتی میڈیا کے مطابق پریانکا چوپڑا کو زویا اختر کی نئی آنے والی فلم “دل دھڑکنے دو” کی شوٹنگ کے لئے اپنا وزن کم کرنے کا کہا گیا جو انہوں نے فلم “میری کوم” کے لئے بڑھایا تھا جس پرعمل کرتے ہوئے اداکارہ نے صرف 20 روز میں اپنا 7 کلو وزن کم کرلیا۔

دل دھڑکنے دو میں پریانکا چوپڑا ایک پنجابی بزنس ویمن کا کردار ادا کر رہی ہیں ۔ فلم کے دیگرستاروں میں رنویر سنگھ، انوشکا شرما، انیل کپور، شیفالی شاہ اور فرحان اختر شامل ہیں۔

پریانکا چوپڑا کی ٹرینر کا کہنا ہے کہ 15 سے 20 روز میں 7 کلو وزن کرنا کوئی آسان کام نہیں ہے لیکن پریانکا نے سخت محنت اور ورزش کر کے اپنا وزن کم کر کے سب کو حیران کر دیا ہے۔