شوہر میرے استاد اور آئیڈیل ہیں،ثناء خان

میرے شوہر ان لوگوں کیلئے بھی عاجز ہیں جو ہمیں توڑنا چاہتے ہیں، کسی بھی صورتحال میں طاقت کے طور پر ہمیشہ شوہر کیساتھ رہوں گی، سابق اداکارہ

بدھ 1 دسمبر 2021 23:23

ممبئی (اُردو پوائنٹ اخبارتازہ ترین - این این آئی۔ 01 دسمبر2021ء) شوبز چھوڑ کر مذہب کی طرف راغب ہونے والی سابق بالی ووڈ اداکارہ ثناء خان نے کہا ہے کہ اٴْن کے شوہر اٴْن کے استاد اور آئیڈیل ہیں۔ثناء خان نے انسٹاگرام اکاؤنٹ پر اپنے شوہر مفتی انس کے ہمراہ اپنی ایک خوبصورت تصویر شیئر کی جس کے ساتھ اٴْنہوں نے ایک طویل نوٹ لکھا۔مفتی انس سے مخاطب ہوتے ہوئے ثناء خان نے کیپشن میں لکھا کہ آپ میری زندگی کے سب سے مہربان انسان ہیں، اللہ تعالیٰ کی مدد سے آپ میری زندگی میں جو تبدیلی لائے ہیں، اس کیلئے میں آپ کا شکریہ ادا نہیں کر سکتی۔

‘ثناء خان نے کہا کہ ’آپ نے مجھے وہ بنایا جو میں آج ہوں اور میں اب بھی خود پر یقین نہیں کرسکتی ہوں، بیشک اللہ تعالیٰ جیسے اور جِسے چاہے ہدایت دے‘۔

(جاری ہے)

اٴْنہوں نے کہا کہ ’جب بہت سے نام نہاد لوگوں نے آپ کو میرے خلاف کرنے کی کوشش کی تو آپ کا دل کی گہرائیوں سے میرا احترام کرنے اور مجھ میں موجود اچھائیوں کی تعریف کرنے کا شکریہ۔‘ سابق اداکارہ نے یہ بھی کہا کہ ’آپ صرف میرے استاد نہیں بلکہ میرے آئیڈیل بھی ہیں، میں آپ کو بہت پیار اور شٴْکر گزاری کے ساتھ دیکھتی ہوں اور کاش! اللہ تعالیٰ مجھے ویسا بنائے جیسا آپ مجھ پر بھروسہ کرتے ہیں۔

‘ثناء خان نے کہا کہ ’اس دنیا میں میری اصل کامیابی اس دن ہوگی جس دن مجھے آپ کا اخلاق ملے گا‘۔اٴْنہوں نے اپنے ناقدین کا تذکرہ کرتے ہوئے کہا کہ ’میرے شوہر ان لوگوں کے لیے بھی عاجز ہیں جو ہمیں توڑنا چاہتے ہیں، ہمیں الگ دیکھنا چاہتے ہیں یا جعلی خبریں پھیلانا چاہتے ہیں‘۔سابق اداکارہ نے کہا کہ ’کسی بھی صورت حال میں آپ کی طاقت کے طور پر میں ہمیشہ ساتھ رہوں گی، ہمارے ساتھ اللّٰہ تعالیٰ ہے اور انشاء اللہ کوئی شیطانی وار ہم پر نہیں چلے گا‘۔ثناء خان نے کہا کہ اللہ تعالیٰ ہمیں اس دنیا میں متحد رکھے اور ہمیں جنت میں دوبارہ متحد کرے‘۔

مزید متعلقہ خبریں پڑھئیے‎ :

وقت اشاعت : 01/12/2021 - 23:23:53

متعلقہ عنوان :

Your Thoughts and Comments