میں نے بیشمار سپر ہٹ فلمیں کی ہیں خواہش ہے ایسا کریکٹر ملے جو لوگ صدیوں یاد رکھیں‘راحیلہ آغا

کھڈیاں خاص(اُردو پوائنٹ اخبارتازہ ترین - این این آئی۔ 13 مئی2022ء) میں نے بیشمار سپر ہٹ فلمیں کی ہیں میری ہر فلم میں میرا کردار منفرد ہوتا ہے مگر ہر آرٹسٹ کی ایک خواہش ہوتی کہ اسے ایسا کریکٹر ملے جو صدیوں لوگ یاد رکھیں۔ان خیالات کا اظہار پاکستان فلم انڈسٹری کی معروف اداکارہ راحیلہ آغانے ایک ملاقات کے دوران کیا۔

(جاری ہے)

ایک سوال کے جواب میں انہوں نے کہاکہ تمام اداکاروں کی طرح میری بھی ایسی ہی خواہش تھی کہ اپنے فلمی کیرئیر میں مجھے بھی ایسا کردار ملے جو میرے فنی کیرئیر کا یادگار کریکٹر بن جائے اورمیری یہ خواہش پوری ہوتی نظرآرہی ہے۔

راحیلہ آغاکاکہناتھاکہ حال ہی میں میری ملاقات رائٹر و ڈائریکٹر نوید رضا سے ہوئی انہوں نے مجھے اپنی نئی فلم’’ گاڈ فادر‘‘ کے کچھ سین سنائے جنہیں سن کر میں حیران رہ گئی کیونکہ یہ فلم اور اس کا کردار میری خواہش کے عین مطابق ہے۔راحیلہ آغانے مذیدکہاکہ انشاء اللہ میری یہ فلم لوگ صدیوں یاد رکھیں گے مجھے امیدہے کہ فلم بین مجھے ’’گاڈ فادر‘‘ میں ایک اچھوتے اور نئے کردار میں دیکھیں گے اورپسندکریں گے اور میرایہ کردار مدتوں یادکیاجائیگا۔