کترینہ کیف کے حاملہ ہونے کی تصدیق ویڈیو وائرل

لندن(اُردو پوائنٹ اخبارتازہ ترین - آن لائن۔ 22 مئی2024ء) بالی ووڈ کی معروف اداکارہ کترینہ کیف کے ہاں پہلے بچے کی پیدائش سے متعلق خبروں نے زور پکڑ لیا۔بھارتی میڈیا کے مطابق سوشل میڈیا کے مختلف پیجز پر کترینہ کیف اور ان کے شوہر وکی کوشل کی نئی ویڈیو وائرل ہورہی ہے جس میں اس جوڑی کو لندن کی سڑک پر واک کرتے ہوئے دیکھا جاسکتا ہے۔وائرل ویڈیو اس جوڑی کی اجازت کے بغیر دور سے بنائی گئی ہے جبکہ ویڈیو میں کترینہ کیف کو دیکھ کر ایسا لگ رہا ہے کہ اداکارہ حاملہ ہیں اور وہ بہت جلد اپنے پہلے بچے کا دنیا میں استقبال کرنے والی ہیں۔

اس حوالے سے بھارتی میڈیا کا کہنا ہے کہ کترینہ کیف کے ہاں پہلے بچے کی پیدائش لندن میں ہوگی اور اسی وجہ سے وکی کوشل بھی لندن پہنچ گئے ہیں۔کترینہ کیف کی وائرل ویڈیو پر ردعمل دیتے ہوئے سوشل میڈیا صارفین نے ویڈیو بنانے والے کے لیے غصے کا اظہار کیا، صارفین نے کہا کہ اگر یہ جوڑی اپنی نجی زندگی کو میڈیا کو نظروں سے دور رکھنا چاہتی ہے تو میڈیا کو بھی چاہیے کہ اس بات کا خیال رکھے، اس طرح کسی کی چھپ کر ویڈیو بنانا غیراخلاقی عمل ہے۔

(جاری ہے)

دوسری جانب ابھی تک کترینہ کیف اور ان کے شوہر وکی کوشل نے اپنے پہلے بچے کی پیدائش سے متعلق خبروں کی تردید یا تصدیق نہیں کی ہے۔واضح رہے کہ بالی ووڈ کی بیبی ڈول کترینہ کیف اور وکی کوشل نے دسمبر 2021 میں شادی کی تھی۔