سلمان خان کی ضمانت پر انتہاء پسند بی جے پی رہنما ناراض

ممبئی(اُردو پوائنٹ اخبار تازہ ترین۔ 12 مئی۔2015ء) بھارتی اداکار سلمان خان کو ضمانت انتہا پسند جماعت بی جے پی کو پسند نہیں آئی۔ پارٹی کی رکن پارلیمنٹ سا دھودی پراچی نے ایک بار پھر مسلمانوں کو نشانہ بنا ڈالا۔

(جاری ہے)

بھارتیہ جنتا پارٹی کی رہنما سادھوی پراچی کا کہنا ہے کہ ممبئی ہائی کورٹ نے مسلمان ہونے کی بنا پر سلمان خان کی ضمانت منظور کی، اگر وہ مسلمان نہ ہوتے تو غریبوں کو انصاف ضرور ملتا۔ تاہم کانگریس کے رہنما نے سادھوی کے بیان کو مسترد کرتے ہوئے کہا کہ عدالت نے فیصلہ میرٹ کی بنیاد پر کیا۔ ادھر لکھنو کے مولانا خالد رشید کا کہنا تھا کہ سادھوی پراچی نے عدالتی نظام پر انگلی اٹھائی ہے۔