ہالی وڈ گلوکارہ جینیفر لوپیز پر دوران کانسرٹ کیڑارینگنے لگا، ویڈیو وائرل

آستانہ (اُردو پوائنٹ اخبارتازہ ترین - این این آئی۔ 13 اگست2025ء)معروف امریکی گلوکارہ جینیفر لوپیز پر پرفارمنس کے دوران کیڑا چڑھ گیا جس کی ویڈیو وائرل ہوگئی۔غیر ملکی میڈیا رپورٹس کے مطابق یہ واقعہ جینیفر لوپیز کے قازقستان میں ہونے والے کانسرٹ کے دوران پیش آیا ۔

(جاری ہے)

ویڈیو میں جینیفر لوپیز کو اسٹیج کے درمیان کھڑے پرفارم کرتے دیکھا جاسکتا ہے جب کہ اسی دوران ان کے لبا س سے رینگتے ہوئے کیڑا اوپر آیا اور گلوکارہ کی گردن تک پہنچ گیا۔

جینیفر نے بغیر ڈرے سہمے اعتماد سے ایک ہاتھ کا استعمال کرتے ہوئے اس کیڑے کو نیچے پھینک دیا۔گلوکارہ کے اس ردعمل کے دوران ان کی پرفارمنس پر بھی کوئی اثر نہیں ہوا تاہم بعد ازاں گلوکارہ نے مسکراتے ہوئے مداحوں کو بتایا کہ یہ کیڑا مجھے تنگ کر رہا تھا ۔واضح رہے کہ اس سے قبل بھی جولائی میں ایک کانسرٹ کے دوران جینیفر لوپیز کا لباس پھسل کر پھٹ جانے کی ویڈیو وائرل ہوئی تھی۔