فلم ’’دی لیجنڈ آف مولا جٹ ‘‘21مئی کو چینی سنیما گھروںکی زینت بنے گی

بیجنگ (اُردو پوائنٹ اخبارتازہ ترین - این این آئی۔ 19 مئی2026ء) پاکستان کی بلاک بسٹر فلم دی لیجنڈ آف مولا جٹ کی چینی سنیما گھروں میں ریلیز کے لیے تیار ہے، فلم کی چین میں ریلیز کی تاریخ کا بھی اعلان ہو گیا۔فلم کے ہدایت کار بلال لاشاری نے فوٹو اینڈ ویڈیو شیئرنگ ایپ انسٹاگرام پر خود مداحوں کو یہ خوش خبری سنائی ہے۔

(جاری ہے)

انہوں نے چینی زبان میں فلم کا پوسٹر اور ٹریلر شیئر کرتے ہوئے کیپشن میں لکھا ہے کہ ’’دی لیجنڈ آف مولا جٹ‘‘ پہلی پاکستانی فلم ہے جو دنیا بھر میں سب سے خصوصی فلم کوٹے میں شامل ہو گئی ہے۔

یہ فلم 21 مئی 2026 کو چین کے سنیما گھروں میں پیش کی جائے گی۔کیپشن کے آخر میں لکھا ہے کہ یہ پاکستانی سنیما کے لیے ایک تاریخی لمحہ ہے اور اب عالمی سطح پر ہماری کہانیوں کے لیے ایک نیا دروازہ کھل گیا ہے۔واضح رہے کہ فلم دی لیجنڈ آف مولا جٹ 13 اکتوبر 2022 کو دنیا بھر میں ریلیز ہوئی تھی اور اس فلم نے باکس آفس پر غیر معمولی کامیابی حاصل کی تھی۔