فواد خان آئیفا کی میزبانی کے فرائض سرانجام دیں گے

جمعہ 3 جون 2016 12:49

ممبئی(اُردو پوائنٹ اخبارتازہ ترین - این این آئی۔03 جون ۔2016ء) بالی ووڈ میں کامیابی کے جھنڈے گاڑنے وال پاکستانی چارمنگ ہیرو فواد خان میڈرڈ میں ہونے والے انٹر نیشنل انڈین فلم اکیڈمی روکس ایوارڈ 2016 (آئیفا) کی میزبانی کے فرائض سر انجام دیں گے۔بالی ووڈ میں کامیابی سے قدم جمانے والے پاکستانی اداکار فواد خان کی کامیابیوں کا سفر تیزی سے جاری ہے جب کہ فلموں میں اپنی اداکاری سے متاثر کرنے والے فواد خان اب بھارتی فلم نگری کی سب سے بڑی تقریب کی میزبانی کرتے نظر آئیں گے۔

(جاری ہے)

بھارتی فلم نگری کے دوسرے بڑے ایوارڈ انٹر نیشنل انڈین فلم اکیڈمی روکس 2016 (آئیفا) کی تقریب اسپین کے شہر میڈرڈ میں 24 جون کو منعقد کی جائے گی جس میں فلم نگری کی تمام بڑی شخصیات اور گلوکار اپنے فن کا مظاہرہ کریں گے اور تقریب میں پاکستانی چارمنگ ہیرو فواد خان اور مشہور فلمساز کرن جوہر میزبانی کے فرائض سر انجام دیں گے جب کہ فواد خان سب سے بڑے بھارتی شو کی میزبانی کرنے والے پہلے پاکستانی اداکار ہوں گے۔واضح رہے کہ فواد خان بالی ووڈ میں اب تک دو فلموں میں ’ خوبصورت“ اور”کپور اینڈ سنز“ میں اداکاری کے جوہر دکھا چکے ہیں۔

وقت اشاعت : 03/06/2016 - 12:49:05

Facebook Twitter Reddit Pinterest Whatsapp