internet addicted people fall ill if they dont use internet
انٹرنیٹ کے عادی افراد انٹرنیٹ چھوڑنے پر بیمار ہوجاتے ہیں
ڈاکٹروں اور سائنسدانوں نے پتا لگا یا ہے کہ ایسے افراد جو بہت زیادہ انٹرنیٹ استعمال کرتے ہیں، جب انٹرنیٹ استعمال کرنا چھوڑتے ہیں تو اُن کے لیے بہت سے نفسیاتی اور جسمانی مسائل پیدا ہوتے ہیں۔ ایسے افراد میں دل دھڑکنے کی رفتار اور بلڈ پریشر بڑھ جاتا ہے۔ اس تحقیق میں 18 سے 33 سال کے 144 افراد نے حصہ لیا۔ تحقیق میں شریک افراد کے دل دھڑکنے کی رفتار اور بلڈپریشر انٹرنیٹ کے استعمال سے پہلے اور بعد میں نوٹ کیا گیا۔
تحقیق میں شرکا کا چڑچڑا پن اور شرکا کی انٹر نیٹ کی لت کا بھی اندازہ لگایا گیا۔ تحقیق میں دیکھا گیا کہ جو لوگ زیادہ انٹرنیٹ استعمال کرتے ہیں، انٹرنیٹ کے بند کرنے پر انہیں ہی زیادہ نفسیاتی مسائل کا سامنا کرنا پڑا۔ایسے افراد میں بلڈپریشر بڑھنے اور دل دھڑکنے کی رفتار اُن کے گھبرانےاور بے قراری کے مطابق ہی بڑھی تھی۔
(جاری ہے)
ایسے افراد جو زیادہ انٹرنیٹ استعمال نہیں کرتے تھے، انہیں انٹرنیٹ بند کرنے سے کوئی فرق نہیں پڑا۔
یہ تحقیق PLOS ONE جریدے میں شائع ہوئی ہے۔ انٹرنیٹ کے استعمال کے نتیجے میں ہونے والی نفسیاتی تبدیلیوں کے حوالے سے یہ پہلی کنٹرولڈ تحقیق تھی۔اس تحقیق کی سربراہی سوانسی یونیورسٹی کے پروفیسر فل ریڈ کر رہے تھے۔ اُن کا کہنا ہے کہ ہم یہ تو جانتے تھے کہ ڈیجیٹل ڈیوائسز پر زیادہ انحصار کرنے والے جب ان کا استعمال چھوڑتے ہیں تو چڑچڑے پن کی شکایت کرتے ہیں۔ لیکن اب ہمیں یہ معلوم ہوگیا ہےکہ یہ نفسیاتی اثرات اکیلے نہیں بلکہ جسمانی اثرات کے ساتھ واقع ہوتے ہیں۔
تحقیق سے پتا چلا ہے کہ انٹرنیٹ کےعادی افراد کا انٹرنیٹ بند کر دیا جائے تو اُن کے دل کی دھڑکن اور بلڈ پریشر 3 سے 4 فیصد بڑھ جاتا ہے۔ کچھ کیسز میں انٹرنیٹ منقطع ہوتے ہیں دل کی دھڑکن اور بلڈپریشر بڑھنے کی رفتار 6 سے 8 فیصد ہوتی ہے۔
اگرچہ دل کے دھڑنے اور بلڈپریشر بڑھنے کی رفتار جان لیوا نہیں لیکن اس کا تعلق چڑچڑے پن اور ہارمون سسٹم ہے، جس کی وجہ سے قوت مدافعیت کم ہو جاتی ہے۔ ماہرین کا کہنا ہے کہ یہ نفسیاتی تبدیلیاں اور چڑچڑے پن کا بڑھنا بالکل ویسا ہی ہے جیسا منشیات جیسے الکوحل، چرس یا ہیروئن چھوڑنے پر ہوتا ہے۔ یہ کیفیت اس وجہ سے ہوتی ہے کہ کچھ لوگ اپنی ڈیجیٹل ڈیوائسز کے ساتھ دوبارہ مصروف ہو کر ناخوشگوار احساسات کو کم کرنا چاہتے ہیں۔
کلینیکل ریسرچر اور تحقیق کی شریک مصنفہ ڈاکٹر لیزا اوسبورن کا کہنا ہے کہ وہ لوگ جو اس طرح کے طبی مسائل یعنی حرکت قلب میں اضافے کا شکار ہوتے ہیں، وہ اس کی غلط تشریح کرتے ہوئے اسے کسی خطرناک بیماری کا شاخسانہ سمجھ کر مزید بے قرار اور پریشان ہوسکتے ہیں۔
مصنفہ کہتی ہیں کہ جب کوئی انٹرنیٹ کا حد سے زیادہ عادی ہوجائے تو اس شخص کی ذہنی اور جسمانی صحت متاثر ہوتی ہے اور وہ نہ چاہتے ہوئے بھی انٹرنیٹ کا استعمال کرنے پر مجبور ہوجاتا ہے۔
بشکریہ: ماہنامہ کمپیوٹنگ
More Technology Articles
مائیکروسافٹ نے اینڈروئیڈ ایپس سپورٹ کے ساتھ ونڈوز 11 پیش کر دی
Windows 11 Announced With Android Apps Support
ٹی ایس ایم سی یورپ کی بجائے امریکا میں 3 این ایم فاؤنڈری بنائے گا
Reuters: TSMC May Build Its Advanced 3nm Foundry In The US Instead Of Europe
انسٹاگرام صارفین جلد ہی ڈیسک ٹاپ سے بھی پوسٹ تخلیق کر سکیں گے
Instagram Will Soon Let You Create Posts On Desktop
گوگل نے فٹ بٹ کی خریداری کو مکمل کر لیا
Google Completes Acquisition Of Fitbit
ایپل نے بہتر ساؤنڈ اور سری سمارٹ کے ساتھ 99 ڈالر کا ہوم پیڈ منی پیش کر دی
Apple Outs $99 HomePod Mini With Big Sound And Siri Smarts
او ایل ای ڈی ڈسپلے اور فائیو جی کے ساتھ ایپل نے آئی فون 12 اور 12 منی متعارف کرا دئیے
Apple IPhone 12 And 12 Mini Are Official With OLED Displays, 5G
فائیو جی ، بڑی سکرین اور بہتر کیمروں کے ساتھ ایپل نے آئی فون 12 پرو اور پرو میکس پیش کر دئیے
Apple IPhone 12 Pro And Pro Max Unveiled With 5G, Larger Screens, Improved Cameras
گیمنگ لیپ ٹاپس بائینگ گائیڈ
Gaming Laptop Buying Guide
ایپل نے اے 14 بائیونک چپ سیٹ کے ساتھ نیا آئی پیڈ ائیر پیش کر دیا
Apple Unveils New IPad Air With A14 Bionic Chipset, Refreshes Entry-level IPad Too
ایپل نے باضابطہ طور پر واچ سیریز 6 اور واچ ایس ای جاری کر دیں
Apple Watch Series 6 And Watch SE Are Official
سام سنگ نے اب تک کا سب سے سستا فائیو جی فون اے42 فائیو جی سمارٹ فون پیش کر دیا
Samsung Announces Galaxy A42 5G - Its Cheapest 5G Phone Yet
ہواوے فلوٹنگ ڈسپلے کے ساتھ نوٹ بک پیش کرے گا
Huawei To Introduce A Notebook With Floating Display, Honor To Bring A New Budget Entry