whatsapp for businesses
وٹس ایپ فار بزنس، وٹس ایپ بھی پیسے کمانا چاہتا ہے
وٹس ایپ جسے دنیا بھر میں ایک ارب سے زائد لوگ استعمال کرتے ہیں، ایک نیا نظام جانچ رہا ہے۔ اس نظام کے لاگو ہونے کے بعد کاروباری ادارے براہ راست وٹس ایپ صارفین سے چیٹ کر سکیں گے۔فی الحال صرف Y Combinatorاسٹارٹ انکیوبیٹر کی چند کمپنیاں ہی اس کی جانچ کررہی ہیں۔ فیس بک کایہ نیا قدم اس کا وٹس ایپ سے پیسے کمانے کے منصوبے کی جانب اشارہ کرتا ہے۔
فیس بک نے تین سال پہلے وٹس ایپ کو 19 ارب ڈالر کی خطیر رقم کے عوض خریدا تھا۔
(جاری ہے)
یہ پہلی بار ہے کہ فیس بک کی جانب سے ایسی کچھ سن گن ملی ہے۔
وٹس ایپ دنیا کی معروف ترین ایپلی کیشنز میں شمار کی جاتی ہے۔ اس کے ذریعے صارفین بغیر کوئی رقم ادا کئے ایک دوسرے کو ٹیکسٹ، آڈیو اور ویڈیو پیغامات کے علاوہ آڈیو اور وڈیو کال بھی کرسکتے ہیں۔ ویسے تو وٹس ایپ جیسی خصوصیات والی کئی ایپلی کیشنز موجود ہیں، لیکن اگر صحیح معنوں میں کسی ایپلی کیشن نے وٹس ایپ کو ٹکر دے رکھی ہے تو چینی کمپنی کی ایپلی کیشن WeChat ہے۔ وی چیٹ اشتہارات چلا کر پیسے کماتی ہے۔ جبکہ وٹس ایپ کا ایک متوقع آمدنی کا ذریعہ اُن کاروباری اداروں سے پیسے چارج کرنا ہے جو صارفین سے بات کرنا چاہے۔مگر کمپنی کو اسپیم پیغامات کا خطرہ ہے۔ اس لئے کمپنی بہت احتیاط سے کام کررہی ہے۔ کمپنی کی دستاویزات سے ظاہر ہوتا ہے کہ وٹس ایپ اپنے صارفین سے سروے کررہا ہے کہ وہ مختلف کاروباری اداروں سے وٹس ایپ پر کتنی بات چیت کرتے ہیں اور کیا انہیں اسپیم پیغامات کا سامنا ہے یا نہیں۔
وٹس ایپ نے پچھلے سال ایپلی کیشن پروگرامنگ انٹرفیس یا اے پی آئی سسٹم بنانے کا اعلان کیا تھا۔ اس منصوبے کے تحت بنائے گئے سسٹم سے صارفین اپنے بنک سے کسی مشکوک ٹرانزیکشن یا اپنی ایئر لائن سے فلائٹ میں تاخیر کے حوالے سے بات چیت کرسکتے تھے۔ گزشتہ ماہ وٹس ایپ نے Y Combinator سے ایک معاہدہ بھی کیا تھا۔ وائی کومبی نیٹر اسٹارٹ اپس کو ٹریننگ اور مشورے کی خدمات فراہم کرتا ہے۔ ۔ اس معاہدے کا مقصد کچھ اسٹارٹ اپس کو فیس بک کے نئے نظام کی جانچ پڑتال کے لئے شامل کرنا تھا۔ یاد رہے کہ Y Combinator جس کا قیام 2005 میں عمل میں آیا، میں شمولیت بے حد مشکل کام ہے۔ ماضی میں Airbnb اور Dropbox جیسی کمپنیاں بھی وائی کومبی نیٹر سے منسلک تھیں۔
دوسری جانب وٹس ایپ کے ترجمان نے نئے کاروباری سسٹم پر تبصرہ کرنے سے انکار کر دیا ہے۔جبکہ وائی کومبی نیٹر کے صدر سام الٹ مین نے اپنی ای میل میں کہا کہ انہیں وٹس ایپ کے کسی ٹیسٹ کا علم نہیں۔ تاہم انہوں نے یہ بھی کہا کہ بہت سی کمپنیاں اپنی مصنوعات کو وائی کومبی نیٹر کی اسٹارٹ اپ کمپنیوں کے ساتھ جانچنا چاہتی ہیں۔
More Technology Articles
مائیکروسافٹ نے اینڈروئیڈ ایپس سپورٹ کے ساتھ ونڈوز 11 پیش کر دی
Windows 11 Announced With Android Apps Support
ٹی ایس ایم سی یورپ کی بجائے امریکا میں 3 این ایم فاؤنڈری بنائے گا
Reuters: TSMC May Build Its Advanced 3nm Foundry In The US Instead Of Europe
انسٹاگرام صارفین جلد ہی ڈیسک ٹاپ سے بھی پوسٹ تخلیق کر سکیں گے
Instagram Will Soon Let You Create Posts On Desktop
گوگل نے فٹ بٹ کی خریداری کو مکمل کر لیا
Google Completes Acquisition Of Fitbit
ایپل نے بہتر ساؤنڈ اور سری سمارٹ کے ساتھ 99 ڈالر کا ہوم پیڈ منی پیش کر دی
Apple Outs $99 HomePod Mini With Big Sound And Siri Smarts
او ایل ای ڈی ڈسپلے اور فائیو جی کے ساتھ ایپل نے آئی فون 12 اور 12 منی متعارف کرا دئیے
Apple IPhone 12 And 12 Mini Are Official With OLED Displays, 5G
فائیو جی ، بڑی سکرین اور بہتر کیمروں کے ساتھ ایپل نے آئی فون 12 پرو اور پرو میکس پیش کر دئیے
Apple IPhone 12 Pro And Pro Max Unveiled With 5G, Larger Screens, Improved Cameras
گیمنگ لیپ ٹاپس بائینگ گائیڈ
Gaming Laptop Buying Guide
ایپل نے اے 14 بائیونک چپ سیٹ کے ساتھ نیا آئی پیڈ ائیر پیش کر دیا
Apple Unveils New IPad Air With A14 Bionic Chipset, Refreshes Entry-level IPad Too
ایپل نے باضابطہ طور پر واچ سیریز 6 اور واچ ایس ای جاری کر دیں
Apple Watch Series 6 And Watch SE Are Official
سام سنگ نے اب تک کا سب سے سستا فائیو جی فون اے42 فائیو جی سمارٹ فون پیش کر دیا
Samsung Announces Galaxy A42 5G - Its Cheapest 5G Phone Yet
ہواوے فلوٹنگ ڈسپلے کے ساتھ نوٹ بک پیش کرے گا
Huawei To Introduce A Notebook With Floating Display, Honor To Bring A New Budget Entry