Ubuntu operated smartphone is all set for Sale

’’اوبنٹو او ایس‘‘ سمارٹ فون تیار کرلیا گیا!!!

Ubuntu operated smartphone is all set for Sale

پچھلے ایک سال سے جس فون کا بہت تذکرہ رہاہے وہ اوبنٹو او ایس کا حامل فون تھا جسے اب چند دنوںمیں متعارف کرا دیا جائے گا۔پہلے اوبنٹو لینکس سمارٹ فون کی فروخت کا آغاز اگلے ہفتے سے شروع ہوگا۔اس سمارٹ فون کو محدود تعداد میں فروخت کیا جائے گا ، اس لیے اندازہ ہے کہ اس کا حصول آئی فون 6 کے حصول سے بھی زیادہ مشکل ہوگا۔ یہ سمارٹ فون Aquaris E4.5 Ubuntu کے نام سے لانچ کیا جائے گا جسے سپین کی کمپنی بی کیو نے بنایا ہے۔

(جاری ہے)

فی الوقت یہ سمارٹ فون صرف یورپ میں ہی فروخت کے لیے پیش کیا جائے گا۔
ہارڈ وئیر کے اعتبار سے دیکھا جائے تو اس میں میڈیا ٹیک کواڈ کور 1.30 گیگا ہرٹز پروسیسر، 1 جی بی ریم، 8 جی بی سٹوریج، مائیکروایس ڈی اور 540x960کیو ایچ ڈی آئی پی ایس ڈسپلے شامل ہے۔
اوبنٹؤ کے اس سمارٹ فون کے بارے میں کہا جا رہا تھا کہ اس میں ایکسٹرنل ڈسپلے ، کی بورڈ اور ماؤس کی سپورٹ ہو گی مگر آنے والے موبائل فون میں اس خصوصیت کی کمی ہے۔اس سمارٹ فون کی قیمت 169.95 یوروز ہے۔

تاریخ اشاعت: 2015-02-07

Your Thoughts and Comments