سونی نے نیا مررلیس کیمرہ متعارف کروا دیا

ٹوکیو ۔ (اُردو پوائنٹ اخبارتازہ ترین - اے پی پی۔ 26 اکتوبر2017ء) سونی کمپنی کی جانب سے اے 7 آر تھری کیمرہ لانچ کر دیا گیا۔عالمی ذرائع ابلاغ کے مطابق معتارف کرائے گئے نئے کیمرے میں بائونز ایکس پراسیسر دیا گیا ہے جس کی مدد سے مکینیکل اور الیکٹرانک شٹر موڈ میں آٹو فوکس کے ساتھ 10 فریم فی سیکنڈ کے حساب سے شوٹنگ کی جا سکتی ہے۔ کیمرے میں فوکس پوائنٹ کے ساتھ 42.4 میگا پکسل کا سینسر دیا گیا ہے۔

کیمرے سے مستقل 87 کمپریسڈ اور 28 اًن کمپریسڈ وڈیوز بنائی جا سکتی ہیں۔

(جاری ہے)

اس کے ساتھ کیمرے سے فل فریم اور سپر 35 موڈ میں 4 کے وڈیوز بھی بنائی جا سکتی ہیں۔دو ایس ڈی کارڈ سلاٹ کو بھی کیمرے کا حصہ بنایا گیا ہے۔کیمرے کی بیٹری لائف سیریز کے پچھلے کیمرے کی نسبت دگنی ہے اور اس میں نئے ملٹی شوٹ ریزولوشن موڈ کو بھی شامل کیا گیا ہے۔ کیمرے کے ساتھ سونی نے واٹر اور ڈسٹ ریزاسٹنٹ لینس بھی متعارف کروایا ہے۔ کیمرے کو نومبر کے آخر میں فروخت کے لئے پیش کیا جائے گا اور اس کی باڈی کی قیمت 3199 ڈالر ہو گی۔ نئے لینس کو بھی نومبر کے آخری ہفتے میں فروخت کے لئے پیش کیا جائے گا اور اس کی قیمت 1299 ڈالر ہو گی۔

تاریخ اشاعت: 2017-10-26