Wikipedia taps Google to help editors translate articles

ویکیپیڈیا کے ایڈیٹر اب گوگل ٹرانسلیٹ کی مدد سے مضامین کا ترجمہ کر سکیں گے

Wikipedia taps Google to help editors translate articles
کئی سالوں سے ویکیپیڈیا زیادہ سےزیادہ زبانوں میں معلومات کی فراہمی کو ممکن بنانے کے لیے کام کر رہا ہے لیکن اس غیر تجارتی تنظیم کی کوششیں تھوڑی سست رفتاری سے جاری ہیں۔ ویکیپیڈیا پر کام کرنے والے رضاکار صارفین عرصہ دراز سے گوگل ٹرانسلیٹ سے تیز رفتار ترجمےکی خواہش رکھتے ہیں۔ویکیپیڈیا کی مالک کمپنی  ویکیمیڈیا فاؤنڈیشن نے اعلان کیا ہے کہ  صارفین کی اس خواہش کو پورا کرنے کے لیے انہوں نے گوگل کے ساتھ شراکت داری کی ہے۔


ویکیمیڈیا کا کہنا ہے کہ انہوں نے گوگل ٹرانسلیٹ  کو اپنے چار سال پرانے کانٹنٹ ٹرانسلیشن ٹول سے مربوط کر دیا ہے۔اس ٹول کو صارفین  اپنی ترجیحات میں جاکر بیٹا فیچرز سے منتخب کر سکتے ہیں۔ گوگل ٹرانسلیٹ کے کانٹنٹ ٹرانسلیشن ٹول سے مربوط کرنے کا مطلب ہے کہ اب یہ مزید 15 اور اب مجموعی طور پر 121 زبانوں کو سپورٹ کرتا ہے۔

(جاری ہے)


ویکپیڈیا کا کانٹنٹ ٹرانسلیشن ٹول کسی بھی مضمون کا ابتدائی طور پر مشینی ترجمہ کرتا ہے  ۔

انسانی ایڈیٹر اس ترجمےکا جائزہ لیتے ہیں اور اسے مزید بہتر بناتے ہیں۔2015ء کے آخر تک اس ٹول سے30 ہزار صفحات بنائے گئے تھے۔ آج یہ تعداد 4 لاکھ سے زیادہ ہوچکی ہے۔
پچھلے سال ویکیپیڈیاکی سائٹ کو 190 ارب بار وزٹ کیا گیا تھا۔ ویکیپیڈیا کے انگریزی کے علاوہ 300 زبانوں میں الگ ورژنز بھی ہیں۔ یاد رہے کہ دنیا بھر میں 7 ہزار زبانیں بولی جاتی ہیں۔
تاریخ اشاعت: 2019-01-10

Your Thoughts and Comments