Woman unknowingly tosses a first gen Apple computer

عورت نے لاعلمی میں 2 لاکھ ڈالر کا ایپل ون کباڑ میں پھینک دیا

سیلیکون ویلی میں ایک ری سائیکلنگ سنٹر کو ایک عورت کی تلاش ہے جو غلطی سے ایپل کے پہلی نسل کے کمپیوٹر ایپل ون کو کباڑ میں پھینک گئی۔ پرائیویٹ نیلامی میں اس کمپیوٹر کے دولاکھ ڈالر ملے ہیں۔
کہا جا رہا ہے کہ عورت اپنے گھر کو صاف کر رہی تھی کہ اسے گیراج میں اپنے مرحوم شوہر کا یہ کمپیوٹر ملا۔ یہ ایپل کا پہلا کمپیوٹر تھا جو ہاتھ سے اسمبل کیا گیا تھا۔

اسے سٹیو جابز ، سٹیو ووزنیاک اور رون وائن نے 1976 میں اسمبل کیا تھا۔ اس کمپیوٹر کو 600 ڈالر میں فروخت کیا گیا تھا۔

(جاری ہے)

اس کمپیوٹر میں صرف 4 کے بی کی میموری تھی۔ اس ماڈل کے صرف 200 کمپیوٹر بنائے گئے تھے۔
کلین بے ایریا ری سائیکلنگ سنٹر کے وائس پریزیڈنٹ وکٹر گچون نے کہا کہ عور ت نے اس کمپیوٹر کے ساتھ اور بہت سا الیکٹرونکس کا سامان کباڑ سمجھ سنٹر میں چھوڑدیا اور ٹیکس رسید تک نہ لی۔اس عورت کے رابطے کی معلومات بھی ری سائیکلنگ سنٹر میں نہیں۔ کچھ ہفتوں بعد ری سائیکل سنٹر کی ٹیم نے سامان کا جائزہ لیا تو انہیں ایپل ون ملا۔ ری سائیکلنگ سنٹر کا کہنا ہے کہ اگر وہ عورت انہیں مل جائے تو نیلامی سے حاصل ہونے والی رقم کا آدھا حصہ اسے دے دیں گے۔

تاریخ اشاعت: 2015-06-01