- Home
- Weather
- Weather News
- ممکنہ بارشوں کے پیش نظر گندم کو فوری گوداموں میں منتقل کیا جائے ،سید ناصر حسین شاہ
ممکنہ بارشوں کے پیش نظر گندم کو فوری گوداموں میں منتقل کیا جائے ،سید ناصر حسین شاہ
جمعہ 6 مئی 2016 16:47
کراچی(اُردو پوائنٹ اخبارتازہ ترین - این این آئی۔06 مئی۔2016ء) وزیر خوراک سندھ سید ناصر حسین شاہ نے سیکرٹری خوراک اور ڈائریکٹر خوراک کو سختی سے ہدایات دی ہیں کہ صوبے میں ممکنہ بارشوں کے پیش نظر فوری طور پر خریدی گئی گندم کو کھلے مقامات سے ہٹا کر گوداموں میں منتقل کیا جائے اور جہاں گودام کی سہولیات نہیں وہاں اس گندم کو محفوظ بنانے اور انہیں بارش سے بچانے کے لئے ہنگامی بنیادوں پر اقدامات کئے جائیں۔
جمعہ کو جاری اپنے ایک بیان میں سید ناصر حسین شاہ نے کہا کہ رواں سال سندھ حکومت کے محکمہ خوراک کی جانب سے صوبے کے مختلف اضلاع سے 11 لاکھ میٹرک ٹن گندم کی خریداری کی گئی ہے، جس میں سے 7 لاکھ میٹرک ٹن گندم کاشتکاروں اور آبادگاروں سے مل گئی ہے اور روزانہ کی بنیادوں پر ہزاروں ٹن گندم مختلف سینٹرز پر پہنچائی جارہی ہے۔(جاری ہے)
انہوں نے سیکرٹری خوراک سجاد عباسی اور ڈائریکٹر خوراک سندھ محمد بچل راہو کو سختی سے ہدایات جاری کرتے ہوئے کہا ہے کہ صوبے بھر میں جہاں جہاں بھی گندم کی خریداری کے سینٹرز پر خریدی گئی گندم کھلے آسمان تلے موجود ہے، اس تمام گندم کو فوری طور پر گوداموں میں منتقل کیا جائے اور ان کو ممکنہ بارشوں سے قبل محفوظ کیا جائے۔
انہوں نے ہدایات دیتے ہوئے کہا ہے کہ صوبے کے تمام اضلاع کے ڈی ایف ایس اور سینٹرز افسران بھی اس احکامات پر سختی سے عمل کرتے ہوئے گندم کو محفوظ بنائیں اور اس سلسلے میں کوتاہی کے مرتکب افسران کے خلاف کارروائی کی جائے گی۔ صوبائی وزیر خوراک سید ناصر حسین شاہ نے بعض اخبارات اور الیکٹرونکس میڈیا پر آنے والی ان خبروں کی بھی سختی سے تردید کی ہے کہ خریدی گئی گندم اعلیٰ معیار کی نہیں ہے۔ انہوں نے کہا کہ بعض افراد باردانہ کے شفاف عمل پر اپنی سیاست چمکانے میں ناکام ہونے کے بعد اب اس طرح کی خبروں کے ذریعے سیاست چمکانا چاہتے ہیں لیکن ان کو اس میں بھی کسی صورت کامیابی نہیں ہوگی کیونکہ خریدی گئی گندم اعلیٰ معیار کی ہے اور یہ گندم ہمارے صوبے کے آبادگاروں اور کاشتکاروں کی دن رات محنت کا ثمر ہے۔ سید ناصر حسین شاہ نے واضح کیا کہ رواں سال گندم کی سرکاری نرخوں پر خریداری کے مثبت اثرات اوپن مارکیٹ میں بھی نظر آرہے ہیں او ر آج بھی اوپن مارکیٹ میں گندم کی قیمت 1200 روپے من تک جا پہنچی ہے اور گندم کے کاشتکاروں کو رواں سال اپنی فصل کا بہتر معاوضہ ملا ہے اور وہ سرکاری اور اوپن مارکیٹ میں اپنی گندم کی فروخت کے بعد خوش ہیں۔Browse Latest Weather News in Urdu
سعودی عرب میں مزید طوفانی بارشوں کا الرٹ جاری
آئندہ چوبیس گھنٹوں کے دوران لاہور سمیت پنجاب کے بالائی اور جنوبی علاقوں میں مطلع ابر آلود رہے گا، محکمہ ..
ملک میں رواں سال کی پہلی ہیٹ ویو کا الرٹ جاری
ملک کے بالائی علاقوں میں مطلع ابر آلود رہنے اور بارش کا امکان
ملتان اور مضافات میں مطلع جزوی ابرآلودرہنے اورگرد آلودہوائیں چلنے کاامکان
ملک کے مختلف علاقوں میں مطلع جزوی ابر آلود رہنے کے علاوہ چند مقامات پر آندھی و گرج چمک کے ساتھ بارش ..
ملتان اور مضافات میں مطلع جزوی ابرآلودرہنے کاامکان
سندھ زرعی یونیورسٹی ٹنڈوجام میں موسمیاتی تبدیلی و غذائی تحفظ کے چیلنجز سے نمٹنے کے حوالے سے تربیتی سیشن ..
متحدہ عرب امارات میں بارشوں کے ایک اور سلسلے کے آغاز کی پیشن گوئی
پہلی وزیراعلیٰ پنجاب پنک گیمز 2024ء کی ٹرافی کی تقریب رونمائی کا دوسرا روز
ملک کے بالائی علاقوں میں چند مقامات پر آندھی/جھکڑ چلنے اور گرج چمک کے ساتھ مزید بارش کا امکان
ملک کے بالائی علاقوں میں چند مقامات پر آندھی/جھکڑ چلنے اور گرج چمک کے ساتھ مزید بارش کا امکان
آئندہ 24 گھنٹوں کے دوران ملتان اور مضافات میں موسم خشک رہے گا ,محکمہ موسمیات
گرمیوں میں سردی والا موسم، کئی سیاحتی مقامات پر برفباری سے سردی لوٹ آئی
ملک کے بالائی علاقوں میں چند مقامات پر بارش اور ژالہ باری کا امکان
خیبر پختونخوا میں مطلع جزوی طور پر ابر آلود رہے گا ، محکمہ موسمیات
آئندہ 24 گھنٹوں کے دوران ملک کے بیشتر علاقوں میں گرج چمک کے ساتھ بارش اور چند مقامات پر ژالہ باری کا ..
محکمہ موسمیات نے مری،گلیات اور گردونواح میں 29 اپریل تک بارشوں کی پیشنگوئی
مری، گلیات اور گردونواح میں 29 اپریل تک بارشوں، آندھی اور طوفان کا امکان ہے، محکمہ موسمیات
آسمانی بجلی اور طوفانی بارشوں نے تباہی مچا دی، متعدد افراد جاں بحق
محکمہ موسمیات نے اگلے چار روز تک طوفانی بارش اور ژالہ باری کی پیشگوئی ،متعلقہ اداروں کو الرٹ جاری
وفاقی دارالحکومت میں پولن کی مجموعی مقدار میں کمی ریکارڈ
ملک کے مختلف حصوں میں آندھی، جھکڑاور گرج چمک کے ساتھ بارش کا امکان ہے، محکمہ موسمیات
اگلے 5 دنوں میں طوفانی بارشوں کے باعث کسانوں کا بے تحاشہ نقصان ہونے کا خدشہ