Achar Galgal Tips in Urdu - Achar Galgal Totkay

اچار گلگل کا آسان گھریلو ٹوٹکہ

Achar Galgal Recipe In Urdu

اشیاء:
گلگل حسب ضرورت
ترکیب:
گلگل بازار سے عام دستیاب ہوتی ہے۔ حسب ضرروت گلگل لیں اور اس کے ٹکڑے کاٹ کر ان پر پسا ہوا نمک چھڑک کررکھ دیں۔ چوبیس گھنٹے تک اسے یونہی پڑا رہنے دیا جائے اور وقتاََفوقتاََ چمچے کی مددسے ان ٹکڑوں کو الٹ پلٹ کرتے رہیں۔ چوبیس گھنٹوں کے بعد ان کو کسی مرتبان میں ڈال دیا جائے اور اگر گلگل ایک کلو گرام ہوں تو ان میں آدھا پاؤ ادر ک باریک ٹکڑے کر کے ڈال دئیے جائیں۔ پسی ہوئی سرخ مرچیں اور نمک حسب ذائقہ ڈال دیا جائے اور تھوڑی سی ہلدی اور رائی بھی پیس کر اس میں شامل کر دی جائے ۔ اب اس میں عمدہ سرکے کی اس قدر مقدار شامل کر دیں کہ گلگل کے ٹکڑے اس میں اچھی طرح سے ڈوب جائیں۔ سرکے میں دو ٹی سپون سرسوں کا تیل بھی ملالیا جائے اور ان تمام اشیا ء کو چمچے کی مددسے ہلا کر اچھی طرح سے ملا دیا جائے اور مرتبان کا منہ بند کر کے رکھ دیں۔ دو تین دن تک دھوپ میں رکھنے کے بعد استعمال کر سکتے ہیں۔ نہایت عمدہ اور خوش ذائقہ اچار تیار ہوتا ہے۔
یہ اچار کھانے کو بہت جلد ہضم کر تا ہے اور تھوڑا سا کھا لینے سے طبیعت ہشاش بشاش اور تروتازہ سی ہو جاتی ہے۔ صحت وتندرستی کے لئے عمدہ اچار ہے۔

More From Pickle - مزید