Taza Sabzio Ka Salad Tips in Urdu - Taza Sabzio Ka Salad Totkay

تازہ سبزیوں کا سلاد کا آسان گھریلو ٹوٹکہ

Taza Sabzio Ka Salad Recipe In Urdu

بند گوبھی کے باریک لچھے کاٹ کر دھولیں اور کھدر کے صاف کپڑے میں ڈال کر نرم ہاتھوں سے خشک کرلیں
گاجریں دھوکر چھیل لیں اور موٹی موٹی کش کرلیں
نرم مٹروں کے دانے کھولتے ہوئے پانی میں ڈال کر ایک منٹ پکنے دیں
صرف ان کا کچا پن ختم کرنا ہے
آپ ثابت مٹروں کی پھلیوں کو بھی اُبال سکتی ہیں
بعد میں چھیل کر دانے نکال لیں
بڑی سبز مرچیں دھوکر ان کے چھوٹے چھوٹے مربع ٹکڑے کاٹ لیں
چھوٹی سرخ مولیاں پتلے قتلوں میں کاٹ لیں
اگر کھیرا ہوتو وہ بھی چھوٹے چھوٹے مربع ٹکروں میں کاٹ لیں
سب تیار کی ہوئی سبزیاں اور سیب کے ٹکڑے ملا کر کسی شیشے کے پیالے میں یا چینی کی ڈش میں دال لیں
اب سلاد کے لیے ڈریسنگ تیار کریں
ڈریسنگ :
سلاد کا تیل کا کارن آئل آدھی پیالی میں لیں اور کسی صاف بوتل میں ڈال لیں
اب اس میں سرکے کے چار بڑے چمچ، چٹکی نمک، ایک چھوٹا چمچ پسی ہوئی چینی ایک چھوٹا چمچ سفید گول مرچ یا سیاہ مرچ تازہ پسی ہوئی اور ایک چھوٹا چمچ مسٹرڈ (پسی ہوئی سرسوں) ڈال لیں
یہ سب چیزیں تیل کے ساتھ بوتل میں ڈال کر ڈھکن سے بوتل کو بند کرکے خوب ہلائیں
یہاں تک کہ اس میں جھاگ پیدا ہوجائے
سرکے کی بجائے لیموں کا رس بھی ڈال سکتی ہیں
سبزیاں تیار کرکے رکھ دیں
عین کھانے سے پہلے ضرورت کے مطابق یہ ڈریسنگ ڈال کر سلاد کو برتن اُٹھا کر جھٹکے سے ہلائیں
اس طرح سلاد میں چمک سی آجائے گی
اب جس ڈش میں سلاد پیش کرنا اس میں خوبصورتی سے ڈالیں
چاروں طرف اُبلے ہوئے چقندر کے قتلے سجاسکتی ہیں
سلاد کے دھلے ہوئی پتے کاٹ کر سلاد کے گرد ڈال سکتی ہیں
یا سلاد کر نرم ثابت پتے ڈش کے ایک طرف رکھ سکتی ہیں اور سلاد دوسری طرف سبز نرم پیاز چھیل کر ثابت ہی ایک گٹھے کی شکل میں سلاد کے ایک طرف رکھ سکتی ہیں
پیاز نرم اور پتلا ہو
یہ خیال رکھیں کہ ڈش میں سلاد بالکل کناروں تک نہ ڈالا جائے
کم از کم ایک انچ کناروں سے اندر کی طرف ہو
سبزیوں کے سلاد سے مقصد یہ ہے کہ ایک وقت میں جو چیزیں موجود ہیں
ان سے فائدہ اُٹھائیں
ضروری نہیں کہ ہر چیز جس کا ذکر کیا گیا ہے ایک ہی وقت میں ڈالی جائے
سجاوٹ میں بھی نفاست ہونی چاہیے

More From Mixed Salad - مزید