Shahi Moti Pulao Tips in Urdu - Shahi Moti Pulao Totkay - Tip No. 7055

قیمے میں ایک کھانے کا چمچ ادرک لہسن،حسب ذائقہ نمک،دو عدد پیاز،ایک کھانے کا چمچ لال مرچ پسی ہوئی،چار کھانے کے چمچ بادام پستے باریک پسے ہوئے،چار سے چھ ہری مرچیں،آدھی گٹھی ہرا دھنیا اور ایک انڈا ڈال کر قیمے کو دو مرتبہ پیس لیں۔کچھ دیر کے لئے فریج میں رکھ دیں۔
ہاتھوں کو ہلکا سا چکنا کرکے چھوٹے چھوٹے کوفتے بنا لیں اور دوبارہ سے فریج میں رکھ دیں۔
بڑے پین میں کوکنگ آئل میں ثابت گرم مصالحے ڈالیں اور باریک کٹی ہوئی پیاز کو سنہری فرائی کر لیں۔
ادرک لہسن،نمک،لال مرچ،زیرہ،دہی اور ٹماٹر ڈال کر تیل علیحدہ ہونے تک بھونیں۔
کوفتے ڈال کر پین کو کپڑے کی مدد سے تھوڑا سا ہلائیں اور خشک ہونے تک پکائیں۔
ہرا مصالحہ ڈال کر تین سے چار پیالی پانی ڈال دیں جب اُبال آ جائے تو احتیاط سے کوفتوں کو نکال کر چاول (پہلے سے دھو کر پندرہ سے بیس منٹ بھگو کررکھے ہوئے) ڈال دیں،ڈھک کر درمیانی آنچ پر پانی خشک ہونے تک پکائیں۔
کوفتے دوبارہ ڈال کر ہلکی آنچ پر پانچ سے سات منٹ دم پر رکھ کر اُتار لیں۔
احتیاط سے ڈش میں نکالیں کہ کوفتے ٹوٹنے نہ پائیں،چاندی کے ورق اور پستوں سے سجا کر خاص دعوتوں میں پیش کریں۔