ملالہ یوسف زئی کی بانکی مون سے ملاقات،تعلیم کیلئے کوششیں تیز کرنے پر تبادلہ خیال کیا گیا

منگل 19 اگست 2014 12:37

نیویارک(اُردو پوائنٹ اخبار تازہ ترین۔19اگست۔2014ء) ملالہ یوسفزئی نے نیویارک میں اقوام متحدہ کے سیکرٹری جنرل بان کی مون سے ملاقات۔ بان کی مون سے ملاقات میں ملالہ یوسفزئی نے تعلیم کے لیے کوششیں تیز کرنے پر تبادلہ خیال کیا۔ دوسر ی جانب نیویارک میں اقوام متحدہ کے ملینیم ڈیولپمنٹ گولز کے حوالے سے منعقدہ تقریب "عمل کے پانچ سودن" سے خطاب کرتے ہوئے ملالہ یوسف زئی کا کہنا تھا کہ ہمیں اپنی آواز کی طاقت پریقین رکھنا چاہیے۔

(جاری ہے)

اسی طرح تبدیلی لائی جاسکتی ہے۔انہوں نے کہا کہ سوات میں دہشت گردی تھی ، لڑکیوں کواسکول جانے کی اجازت نہیں دی جارہی تھی۔400سے زیادہ اسکولوں کوتباہ کردیاگیا تھا لیکن ہم نے میڈیا چینلز اورمختلف اخبارات کے ذریعے اپنے حق کیلئے آوازاٹھائی۔بتایا کہ سوات میں کیا ہورہاہے اورتبدیلی لے آئے۔ملالہ نے نوجوانوں کوپیغام دیا کہ وہ جومشکلات جھیل رہے ہیں اورجن مسائل کاشکارہیں انہیں بیان کریں تب ہی تبدیلی لاسکتے ہیں۔ اس سے پہلے اقوام متحدہ کے سیکرٹری جنرل بان کی مون نے بھی خطاب کیا۔