لاہور ہائیکورٹ کا سیاسی بنیادو ں پر تعینات کئے گئے ایچی سن کالج کے بورڈ آف گورنرز کی برطرفی کیلئے دائر درخواست پر فریقین کو دوبارہ نوٹس جاری ، جواب طلب کرلیا

جمعرات 21 اگست 2014 15:18

لاہور(اُردو پوائنٹ اخبار تازہ ترین۔21اگست۔2014ء) لاہور ہائیکورٹ نے سیاسی بنیادو ں پر تعینات کئے گئے ایچی سن کالج کے بورڈ آف گورنرز کی برطرفی کے لئے دائر درخواست پر فریقین کو دوبارہ نوٹس جاری کرتے ہوئے جواب طلب کر لیا۔ لاہور ہائیکورٹ کے جسٹس شمس محمود مرزانے کیس کی سماعت کی۔عدالتی سماعت کے موقع پر درخواست گزار کوے کیل اظہر صدیق نے کہا کہ ایچی سن کالج تاریخی اہمیت کا حامل ادارہ ہے اس کالج سے تعلیم حاصل کرنے والے طالبعلموں نے عالمی سطح پر پاکستان کا نام روشن کیا۔

(جاری ہے)

انہوں نے کہا کہ ایچی سن کالج میں میرٹ کے برعکس بورڈ آف گورنرز کو تعینات کر کے ادارے کی ساکھ اور تعلیمی معیار کو پست کر دیا گیا ہے۔انہوں نے عدالت سے استدعا کی کہ سیاسی بنیادوں پر تعینات بورڈ آف گورنرز کو برطرف کرنے کے احکامات صادر کئے جائیں تاکہ ایچی سن کالج جیسی تاریخی تعلیمی درسگاہ کیاصل حیثیت کو برقرار رکھا جا سکے اور قابل بورڈ آف گورنرز کی تعیناتیوں سے اس ادارے میں تعلیمی اصلاحات کا نفاذ ممکن ہو سکے۔سرکاری وکیل کے جواب داخل نہ کرانے پر عدالت نے اظہار برہمی کرتے ہوئے فریقین کے وکلائکو دوبارہ نوٹس جاری کرتے ہوئے کیس کی مزید سماعت ستائیس اگست تک ملتوی کر دی۔